Dit is segghen des proests van Arnhem als tusschen den here van Yselsteyne, sinen broederen ende sinen maghen ende sinen hulperen, aen die een side, ende haren Willam Borren van Hem men, sinen broederen ende horen kijnderen ende sijnre zuster kijnderen, haren Bernt van den Dorenweert, Eobbrecht sinen breeder, haren Otten van Doernic ende sinen broederen, haren Diric van Arnhem, sinen broederen ende horen kijnderen ende sijnre zusteren kijnderen, Sander van den Dorenweert, Bernt

75

van Dunen, Berat van den Dorenweert, Iacobs soen, ende voert die vanden Dorenweert gheboren sijn, die Otten maghe van Cattenbroec waren, aen die ander side, alse van den doot- slaghe van Otten van Cattenbroec, daer God die ziele af heb- ben moet. Jnt yerste, want die here van Yselsteyne seyt, dat hi dese zoene van Otten dode voers. wittelic ende wael voldaen heeft, ende her Willam Borre ende die andere voerscreuen croenen, dat si daer verbrec in hebben, dat hem die zoene nyet voldaen en is, want si daer gheen ghelt af ontfaen en hebben, so sel de here van Yselsteyne, haren Willam Borren of haren Bernde voers., van wilken hijs yerste van hem tween vermaent wart, enen dienst doen, dat is te verstaen, als dat hi hem senden sal tyen manne ghewapent tyen daghe in hore hulpen, die hem dienen sellen te ridderrecht, al daert die here van Yselsteyne mit eren doen mach, ende hier mede sel len si wittelic ende wael versoent wesen vanden dootslaghe van Otten van Cattenbroec voerscreuen; ende wanneer de here van Yselsteyne den enen van hem tween desen dienst ghedaen heeft, daer mede sal hi alle den anderen voldaen hebben. Jn oerconde deser dinghe hebben wi Gherijt van den Veen, proest van Arnhem, als een zeggher deser zoene voers., ende wi Ar- noud, here van Yselsteyne, Johan van Yselsteyne , thesauryer der kerke van sinte Marien tUtrecht, Ghisebrecht van Ysel steyne , heren Herberens soen van Yselsteyne, ridder, ende Ghisebrecht van Yselsteyne, haren Otten soen van Yselsteyn, knape, van der eenre side, Willam Borre, here van Hemmen, Berat, here vanden Dorenweert, Diric van Arnhem, ridders, ende Sander van den Dorenweert, knape, van der ander side, want wi an beyden siden dese vorscreuen zoene gheloeft heb ben ende ghelouen wittelic ende wael te houden, onse zeghele aen desen brief ghedaen. G hegheuen int iaer ons Heren du- sent dryehondert acht ende vijftich des donredaghes na Mit- vasten.

Van de i) zegels slechts een, dat van den proost van Arnhem, in groen was, bewaard, doch geschon Jen.

76