Wj Guy bi der ghenaden Gods bisscop van Vtrecht, Wil lem graue van Henegouwen van Hollant van Zelant ende here van Vrieslant, ende Gherard here van Voerne ende burghgraue van Zelant, maken cont, dat edele luden, heren Wolfaert ende heren Elorens ridders, Wanken ende Clais kuapen, heren Wolfaers kindren van Borsselen voer hem, haren mi.ghen, haren vriende ende haer helpers an deeneizijde, heren Philips erfnamen van Duuenvoerde, heren Philip van Zanthorst, heren Wouter van Harlem, heren Symon van Ben- them, heren Philip Vternesse, heren Ghisekins erfnamen van Ammers, heren Vriesen erfnamen van der Mye, Diedries erfnamen van Zanthorst, Florens ende Wouters erfnamen van Duuenvoerde, Jan van Zassenem, Willem van der Lane ende Gherard Euer voer hem, horen maghen, horen vrienden, dies ons met hem ghelocft hebben of ander zijde, van alre

13

mesdaet, die gheschiede an heren Wolfart, alse van sire doet ende van alre mesdaet ende broke, die daer na gheschiede ter Vere jnt jaer ons Heren M'.CCC*. ende tue jn die weken voer Sinte Cruus daghe jn gaenden Meye, op ons bleuen zijn met horen vryen wille, zo wat dat wj daer of zegghen na onsen goed dencken, de partien gheroupen weder dat si commen jof en doen, dat si dat houden zullen; ende ware dat zake dat jn onsen zegghen enighe twifel ware, dat nu roerde jof hier na roeren mochte, dat wi dat verclaersen sullen ende moghen na ons selues verstane, zonder enich weder zegghen van den partien vocrnomt; ende hebben beloft onzen zegghen ende onze verclaersen , dat wi zegghen jof hier na verclaersen zullen, dat vast ende ghestade te houdene voer hem, haren maghen, horen vrienden ende hoer helpers. Voert hebben si hem verbonden, ware dat zake dat onzen zegghen ende onse verclaersen jn enich point te broken wordde bi hem, iof bi iement van haren weghen, zo zoude die ghenen die ver- breken zouden, verbueren lijf ende goed, ende dat zoude horen tote onser kennesse na onsen goed dincken, na onsen wille ende na ons selue proeue. Ende,wj Guy, Willem ende Gherard vorseit, de partien voernomt gheroupen des zonneda- ghes voir Pinxtren, jnt jaer ons Heren M°.CCC°. ende neghene, die partie van Hollant vorseit tieghen woerde te Poeldunen buten 's Grauenzande, ende die partie van heren Wolfarts kindren gheroupen, ghebeit ende niet en quame tieghen woerde, de warede wel onder vonden van den stucken vorseit, bi rade wiser luden, jn de name sVaders, Soens ende Selichs Gheest, zegghen wi onsen zegghen in der maniere, dat hier na volghet: Jn den eersten zegghen wi, dat heren Philips erf namen van Duuenvoerde, heren Philip van Zanthorst, heren Wouter van Harlem, heren Symoen van Benthem, heren Phi lips Vteraesse, heren Ghisekins erfnamen van Ammers, heren Vriesen erfnamen van der Mye, Diederix erfnamen van Zanthorst, Florens ende Wouters erfnamen van Duuen voerde, Jan van Zassenem, Willem van der Lane ende Ghe

14

rard Euer, voer hem ende voer den ghenen dies met hem op ons bleuen zijn van heren Wolfars doet, gheuen zullen ende ghelden dusent pont zuarte tournoise, eenen groete tournoise gherekent voer zesthien penninghe. Voert zegghen wi, want die poerten ende die ghemeente van Hollant, alse wi ter wareit onder vonden hebben, zonder voerraet ende zonder weten waren van heren Wolfarts doet vorseit ende omme de liefste des sgrauen haers heren daer comen waren onnoeseleke, zo zegghen wise quite van sheren Wolfart doet ende zegghen, dat heren Wolfarts kindren noch niement van haren maghen noch van haren helpers veeten zullen den poerten noch der ghemeente veerseit om sheren Wolfarts doet. Voert om dat wi vonden hebben ter warede, dat here Elorens van Bouchorst die persoenre van Delf, Hughe van Merlant ende Ogier Vten Hoeke, die op ons bleuen zijn, onsculdich zijn van sheren Wolfarts doet, zegghen wise quite der af. Voert van al den andren, die sheren Wolfarts kindren bethyen jof bethyen mochten van haers vaders doet, daer af en zegghen wi niet, want sijs op ons niet bleuen en zijn, Voert zegghen wj, dat heren Wolfarts kindren vorseit heren Wolfars broeders ende hoer helpers gheuen zullen ende ghelden drye dusent pont tournoise, den groeten tornoise gherekent voer zestien pen ninghe , voer die vorseide misdaet, die gheschiede ter Vere, ende dese vorseide drye dusent pont sal die graue van Hene- gouwen ende van Hollant ontfanghen jof doen ontfanghen bi zinen bode, ende voert gheuen ende deelen onder der goenre maghen, die daer doet bleuen, na ziins zelfs goet dincken ende oerbaer zonder iemens weder zegghen, ende dat ghelt vor seit of beeden zijden zalmen betalen tote Zierixe, teerste dar- dendeel te midden winter naest commende, tander dardendeel des zonnedaghes na half vasten daer na commende ende tardde dardendeel te Sinte Jans daghe midden zomer daer naest vol- ghende. Ende hier bi zegghen wj cene alanghe zoenc tuschen den partien vorseit. Ende ware dat zake, dat iement onzen zegghen brake jn al of in enighen pointo vorseit, zo zouden

15

die ghenen diet verbrake, verbueren lijf ende goed zonder enich. verdrach, ende dit zal horen tonser kenninghe ende tote ons selues proeue na onsen goed dincken, vte gheseit al recht dat hem helpt iof helpen mochte, jn wat manieren dat ware. Ende wj Willaem, graue van Henegouwen ende van Hollant vorseit zullen heren Wolfarts kindren voernomt helpen, dat si hare helpers zullen winnen die sculdich zijn met hem te gheldene ende te beterne die voersede misdaet, na den rechten van den lande. Ende wie zullen dien voer- seiden van Hollant hare zoene vte doen reecken van heren Wolfarts kindren ende van horen helpers. Ende dit zegghen hebben wj gheseit, behouden onser voire macht, alle pointen vorseit dat daer of roeren mochte te verclaersen ende te be- diedene na ons selues verstannesse. Jn orconden van al desen stucken vorseit, hebben wi, Guy, Willaem ende Gherard vorseit desen brief bezeglet met onsen zeghel. Gheseit ende ghedaen te Poeldunen, des zonnedaghes voer Pinxtren, int jaer ons Heren MCCC ende neghene.

Twee zegels verloren, bet denle in bruin Was zeer beschadige!. Zie dit charter onnaauwkeurig uitgegeyen bij Matlhaeus, Analecta 1, 509, 8° editie, en overgenomen door v. Mieris, Charterb. II, blz. 83.