Wij deken ende capittel van Onser Vrouwen capelle jnden Hage doen kont allen luyden ende bekennen mit desen brieue, dat wij den wailgeboren heren Vrancken van Borssel, heer tot Zuulen ende tot sinte Mertijnsdijck, verhuert ende verpacht hebben onse dune ende alle onse wildernysse, die wij liggende hebben bij sGrauensande, jn allen sulken manieren ende vor- werden als hier na gescreuen staen, te weten: dat hij onse dune mit alle onser wildernysse dair toebehoerende hebben ende gebruycken sall tot sijns selffs orber, sijn leven langk ende niet langer, mit allen hoiren nutscip ende proffijte, sonder ons enige leueringe te doen van conijnen; ende dair toe so sullen wij hem off sijnen stedehouder machtich maken mit onsen brieuen die scutterye vanden dunen mit alle nutscip ende proffijte hem dair aff te hebben, als onse brieue, die wij dair aff hebben,.in houden ende wij mit rechte selue souden mogen hebben, behoudelick datmen alleen tusschen Meye ende Bamysse niet scutten en sal der geenre beesten, die onse grass gehuert hebben off hier na hûeren sullen. Jtem so heefft heer Vranek voirn. ons geloofft, dat hij onse dûne ende wildernysse

133

voirs. brengen ende houden sal in goeden rake ende bescer- menysse na allen sijnen vermogen, ende dat hij die bepoten ende getruwelic in allen saken bewaren sal, gelijck offse sijns selffs waren, sonder ons enigen last off oncost dair aff te hebben. Voirt so sullen wij macbtich maken heren Vrancken voirn. off sijnen stedehouder, dat hij alle die gene, die aenden dunen off wildernysse voirs. scade deden, ghijselen ende dair rechtuordernysse vp hebben sall, jn alle manieren als onse voirs. brieue dair äff inhouden ende wij selue souden mogen doen. Hier voir sal hij ons alle jair vpten heyUgen Kersauont off bynnen den naisten achte dagen dair na onbegrepen wtreycken ende betalen off doen wtreycken ende betalen ende leueren. jnden Hage buten onsen cost ende vp sijns selffs zorge vrijs gelts vijfftich Wilhelmus Hollantsehe schilde off payment hoirre weerde, dairmense aldair om copen mach, dair den eersten dach van betalingen aff wesen sall tot Kersauont naistcomcnde, ende also voirt van jair te jairen, sijn leuen langk duerende. Ende dit heefft hij ons versekert vp allen sijnen goeden, thien- den ende renten, die hij heefft in Scatspolre ende jn Yersike- polre, mit sulken vorwairden:' offt sake waer, dat hij ons van- den vijfftich Hollants scilde voirs. tot eniger tijt als ons die versehenen waren, niet en voldede als voirs. staet, dat hij dan die voirs. goeden ende renten van Scatspolre ende Yersike- polre hem niet bewynden en sal noch ontfangen, mer sijn rentmeyster jnder tijt wesende sal die renten van sijnre wegen ontfangen ende ons betalinge dair aff doen tot onsen vermanen van alle des ons aen hem gebreken sall, eer hij hem enich gelt dair aff geuen sall; ende alle cost ende scade, die wij dair om gelden off gedaen hadden ende wij besceydelic bewijsen mogen, dat hij ons tot onsen dagen niet betailt en hadde, dien heefft hij ons geloofft volcomelic mede vp te rechten ende te laten bueren wten goeden ende renten voirscr. mitten hoofft- gelde voirs. Voirt sijnt vorwairde, wairt sake, dat beer Vranck voirn. ons alle dese voirs. pointen ende voirwairden niet en hielde, gelijc voirscr. staen, dat hij dan vervallen sall wesen,

134

offt ons genueght, van allen toeseggen ende hûerwair, dat hij tot onser dunen ende wildernysse voirs. van ons hebben mach, ende dat hij ons dan die weder sal laten aenûeerden ende onse scoenste dair mede doen, offs ons genûeght, sonder wederseggen off ondanck van hem te hebben; behoudelic offt sake waire datter kenlike nootsake jn geuiele, dattet buten sijnre macht waer die dunen te gebruycken bij verdryfften des lands off des gelijcx, dat hij dan ongehouden sal wesen vanden sommen gelts ende aire geloofften voirs., wtgenomen dat hij ons nochtan betalen sal vanden vijfftich scilden voirs. vpten dach der be- talingen voirn. na beloop vander tijt dat hij die dûne ende wildernysse voirscr. gebruyct ende georbert hadde , alle dingk sonder argelist. Ende dese voirs. pointen ende vorwairden ende elcx bysonder heefft hij ons geloofft mit sijnen brieuen by sijnre trouwen ende eeren te houden ende wail te voldoen ende niet te verbreken jn enigerwijs. Jn orkonde des, so heb ben wij ons gemeens capittels voirs. zegel te getuychenisse der dingen voirs. aen desen brieff gehangen. Gegeuen vpten zess- thiensten dach jn Octobrj jnt jair ons Heren dusent vierhondert vijffendetwintich. Het zegel verloren.