Reverendo patri suo et domino E(ugenio) summo et univer- 1151 sali sanctae Romanae aecclesiae pontifici H(einricus) Dei gratia Leodiensis aecclesiae humilis minister tam devotam quam debi- tam totius subiectionis obedientiam et promptum ac fidele in omnibus obsequium.

Post decessum bonae memoriae A(rnoldi) Coloniensis archi- episcopi' Coloniensis aecclesia nos et alios eiusdem metropolis suffraganeos ad diem electionis futuri antistitis ordine canonico evocavit. Et premissis ieiuniis et laetaniarum obsecrationibus et invocata sancti Spiritus gratia et exorato eo, a quo est omne datum optimum et omne donum perfectum5 quique facit unani- mes habitare in domo, elegit sibi, remoto omni privato studio, communi omnium non dicam favore et assensu set desiderio et acclamatione Arnoldum, eiusdem aecclesiae maiorem prepositum, regiae curiae cancellarium, virum utique moribus et natalibus, ordine et aetate et omnis prudentiae ratione sacerdotali officio congruentem, qui vitae merito et doctrinae scientia tam possit prodesse quam preesse. Tanta quippe fuit actionis illius in

1. holosericum. 2. striis magnis ornatum. 3. duplicatum. 4. Arnoldus I archiep. Colon. obiit 1151 Apr. 3. 5. Iacob. 1, 17.

456 WIBALDI EPISTOLAE 326. 327.

1151 tempore brevitas, ut magis videatur esse optatum quam perpe- tratum et ipse magis raptus quam electus. Siquidem, in quo tunc accusari posse videbatur, ultra regularem modestiam renisus est et fere inobediens factus, trahi potius atque cogi quam vo- cari compulsus est. Proinde sanctitatis vestrae advoluti genibus, clementiae vestrae supplices preces eflundimus, ut in hac persona, tantis omnium votis expetita, multiplices aecclesiae Coloniensis calamitates relevare dignemini, et unam de pulcherrimis sacro- sanctae matris nostrae Romanae aecclesiae filiabus in pristinum dignitatis suae statum per manus beati Petri et vestras reformare. Veremur etenim et subintellexisse nos pro certo credimus, quod, nisi in manu vestra potenti adiutus et confortatus fuerit, onus omnino supportare detrectet et, reiecta ad pedes vestrae celsitu- dinis syndone qua amictus videbatur, nudus profugiat a vobis1.