W(ibaldus) Dei gratia Corbeiensis abbas omnibus fidelibus 1148

christianis, qui sunt in parrochia Lienward1, salutem et bene-

dictionem.

Notum facimus vobis, quod nullus illorum quatuor, qui in aecclesia vestra prebendas habent, ad nos adhuc venit nec pos- sessionem aecclesiae nostrae a nobis accepit, cum nos iam duobus annis abbatiam Corbeiensem tenuerimus*. Insuper ex ipsorum negligentia nobis labor et detrimentum accidit pro eo, quod do- num altaris non acceperunt: pro qua re tota aecclesia nostra in ius et potestatem episcopi* adiudicata fuit. Set per Dei miseri- cordiam et ipsius episcopi gratiam cum integritate aecclesiam, sicut prius habueramus, nunc recepimus. Et illis quatuor, qui aecclesiam tenent, diem ponimus, ut in proximo festo purifica- tionis sanctae Mariae* presentiam suam nobis Corbeie exhibeant, ostensuri nobis, quam iusticiam in nostra possessione habeant. Quod si tunc non venerint, sciant pro certo, quod nos iusticiam nostram usque ad extremum prosequemur nec eis quicquam de iure nostro remittemus.