Beatissime Pater et Domine gratiosissime!

Quanta bona et quot salutaria praestitit incrementa regno meo Poloniae et ter- ris sibi subiectis, Litlmaniae, Bussiae et caeteris, huius Studii generalis Cracovien- sis fundatio, et qualiter alma Universitas eiusdem Cracoviensis Collegii Coronae meae provincias illustravit, dictis et scriptis per me Sanctitatis Vestrae filium nulla ratione poterunt explican. Profecto, Pater Sanctissime, a tempore, quo ipsum ince- pit in Universitate Cracoviensi vigere Studium, magnorum emolumentorum accrevit numerus, quae spiritum salutis per sanctas doctrinas conceperunt. Quorum zelus semper accenditur contra omnem altitudinem extollentem se erga scientiam Dei; quos vita probatior et literatura sufficiens reddit perfectissime commendatos: qui dissi pant et evellunt plantationes iniquas, qui fideliter docent subditos, divites non pal pant, pauperes non gravant, qui minas potentum non timent, qui crimina corrigunt et emendant, quorum sermo est doctrina, quorum conversatio est iustitia, quorum autoritas non est in habitu nec in fastu, sed in eruditione et in defensione fidei orthodoxae. Merito ergo Sanctitas Vestra eiusdem almae Universitatis memoriam in benedictione debet collocare et manum benedicam apponere, quod omnes in Uni versitate eiusdem Studii commorantes et ad ipsum Studium confluentes caeteris lite- rarum favoribus et gratiis reddantur consolati. Quocirca Sanctitati Vestrae sup- plico humiliter et devote, quatenus ea, quae privilegiis meis et aliquorum Praelato- înm regni mei pro Collegio eiusdem almae Universitatis et pro Doctorum et Ma- gistrorum facultatibus, sustentaminibus et necessitatibus sunt incorporata et adiun- cta, Sanctitas Vestra specialibus dignetur confirmare uteris et munimentis inviola- bilibus roborare gratiose, Doctoresque et Magistros eiusdem venerabilis Studii haben- tes praesentialiter recommissos, ipsos in agendis coram Beatitudinis Vestrae clementia iuxta supplicationem per eos cum praesentibus ostendendam, mei contemplatione be- nigniter exaudire. Personam Sanctitatis Vestrae sanam et incolumem etc.

(Ex libro manuscripto: „Annalium almae Academiae Cracoviensis Centuriae „IV. authore M. Martino Radyminski Collegii maioris Professore, Sacrae Se- „dis Apostolicae D. N. Protonotario, A 1660," pag. 11, ad annum 1404.)

хххш.

Petrus (Wysz de Radolina) episcopus Cracoviensis duos Canonicatus Cracovienses, duas praebendas in capellis S. Adalberti et S. Mariae Magdalenae, nee non paro- chialem in Luborzyca ecclesiam Universitati Studii generalis Cracoviensis iterum

incorporât.

. Cracoviae, Anno 1404, die 3 mensis Februarii.

Nos Petrus Dei gratia Episcopus Cracoviensis, qui superna divinae vocationis providentia huius sacrosanctae sedis ecclesiae nostrae Cracoviensis gubernacula possidemus, ut quemadmodum ipse locus in regno Poloniae caeteris eminentior esse dinoscitur, cui divina miseratione praesidemus, sic crescentibus donis rationes etiam donorum crescere debeant, pastorali officio communi bono maxime circa spiritualia utiliter providere cupientes, ut tenemur et ad ea nostrae mentis oculos plus debe- mus dirigere, quibus divinus cultus clarior sublimatur, augentur spiritualia, sacra fides catholica dilatatur et crescit ac divina magestas plenius honoratur. Sane cum Universitas generalis Studii in Sacra Pagina, Iure canonico, Artibus liberalibus ac in aliis literarum scientiis, quae in civitate ipsa Cracoviensi necessaria admodum dinoscitur, uberiori fundamento egeat in temporalibus, cum spiritualia sine tempora- libus diu subsistere non possunt, et aliter Doctores, Magistros ac alios literarum scientiis viros eruditos atque gnaros, quorum scientia ac conversatione vitae lauda- bilis caeteri illuminari deberent et studere quomodo in domo domini oportet conver- sari, decenter et commode moram trahere et continuare utiliter non posse evidenter: quorum quidam Doctorum ac Magistrorum scientiis, moribus, atque vita nedum status fidelium decorari debeat, verum ipsa fides catholica in ipsis praesertim neo- phytis vicinarum partium profectus roborari, et nationes externae infidelium vicino- nun suorum coecitate errorum et infidelitatis erroribus dampnabiliter obfuscatae, suc cessive ad verum lumen atque dogma christianae fidei facilius reduci valeant ac perduci efficatius ad salutem, iuxta sententiam Sapientiae Salomonis: Ibi salus, ubi multa consilia scilicet sapientum; hac igitur sollicita consideratione occupati, per- spicacius attendentes ex hoc ipso multomm bonorum fructum provenire verisimiliter et profectum, honorem almae matris ecclesiae pariter et decorem domus Dei ac fidei incrementum orthodoxae, quantisque pulhüare profectibus dinoscitur ex eo res publi ca, quempiam dubitare non oportet. Ideoque volentes praefatis Magistris et Docto- ribus Universitatis Studii praedicti Cracoviensis gratam promotionem et utilem pro- visionem, quantum cum Deo possumus, impendere et in eo etiam ecclesiae nostrae Cracoviensi praefatae salubriter consulere, ut ipsa ecclesia de eadem Universitate ad minus duos Doctores vel Magistros in scientiis expeditos, in Canonicos et in Capitulo utiles perpetuis temporibus habere valeat, in qua ultra dignitates, officia et alia plura ministrorum eiusdem ecclesiae beneficia, triginta duo Canonicatus et totidem praebendae existunt: duas praebendas, quas ad praesens Iohannes Schaftra- necz et Sbigneus Sbignei obtinent, pro eisdem Magistris. Doctoribus ac Universitate

praedicta, aut alias quas praefati Magistri ac Doctores dictam Universitatem regen tes, cum huiusmodi praebendae simul vel successive quomodolibet vacaverint, du- xerint acceptandas, nec non duas alias praebendas in capellis Sancti Adalberti et Sanctae Mariae Magdalenae, sive ipsasmet capellas iam dictas in civitate Craco- viensi existentes, ac etiam ecclesiam parochialem in Luborzicza dictae Cracoviensis diocesis, de fratrum nostrorum ac Capituli nostrae ecclesiae praedictae Cracoviensis unanimi assensu et consensu incorporandas duximus, praesentibusque incorporamus. unimus et annéctimus, per eosdem Magistros, Doctores et personas huiusmodi Univer- sitatis ipsius, dum et quando vacaverint, quomodolibet nanciscendas, possidendas et perpetuis temporibus praeobtinendas, fructus et proventus obvenientes ex eisdem pro utilitate Universitatis praedictae iuxta ordinationem eorundem Magistrorum et Docto- rum rationabilem convertendas, ita quod offerentibus se vacationum temporibus, prae fati Magistri et Doctores, ne divinus cultus in ecclesiis, capellis et beneficiis hu iusmodi negligatur, inter se personas idoneas eligere debeant, quae in ipsis benefi ciis deservire debeant, institutione canonica ab Episcopo loci aut suo Vicario primi- tus habita et obtenta, ac portione eisdem instituendis congrua assignata de eisdem proventibus, de qua laudabiliter vivera valeant et incumbentia onera supportare. In cuius rei testimoniuin praesentes fecimus literas fieri et nostri sigilli ac Capituli nostri appensione muniri. Datum et actum Cracoviae, feria secunda post dominicam Exurge quare etc., in domo nostra, Anno Domini Millesimo quadringentesimo quarto. Praesentibus honorabilibus et discretis viris Otthone Scolastico, Iohanne Custode, Nicolao de Lapanowo Canonicis Cracoviensibus, Iohanne de Padwa et Bartholomeo de Bochna Notariis publias, testibus ad praemissa vocatis specialiter et rogatis.

(Ex archetypo membranaceo. Sigillum episcopi avulsum; restat tantunmiodo sigillum Capituli formae oblongae ellipticae, in cera viridi expressum, funiculo serico coloris coerulei et rosei appensum, exhibens scutum cum tribus coronis atque inscriptione in ambitu Uteris sic dictis gothicis minusculis exarata: ?. mains. cupitnl touifnsis.— Nr. Archiv. Univ. 11,226.)