In nomine Domini Amen. Nos Petrus Dei gratia Episcopus Cracoviensis etc. Ad perpetuam rei memoriam, Notum facimus harum serie quibus expedit universis praesentibus et futuris: Quod vacante praebenda capellae Sanctae Elizabeth in Ko- berzino per mortem Nicolai dicti Beno, nobilis vir Petrus haeres de Marczinouicze, ad quem iuspatronatus praesentandi ad eandem praebendam, ut ipse asseruit, spectat pleno iure, considerans quod praebendarii seu rectores eiusdem praebendae circa ean dem praebendam non curant residere, et per hoc cultus divinus minuebatur, tempora- lia dilapidabantur et multae negligentiae committebantur; cupiens igitur bona eidem praebendae donata et assignata ad Dei honorem et ad remissionem peccatorum atque salutem animarum suorum praedecessorum in meliorem conditionem vertere, nostram- que Cracoviensem ecclesiam amplius decorare, nobis humiliter supplicavit, ut eandem praebendam altari Omnium Sanctorum sito in eadem nostra Cracoviensi ecclesia, per honorabilem virum dominum Nemerzam de Krzelow Canonicum eiusdem Craco viensis ac Custodem Collegiatae. Sancti Floriani ecclesiarum dotato et erecto, cum omnibus et singulis suis fructibus, reditibus, proventibus et obventionibus universis ad ipsam praebendam spectantibus unire et incorporare dignaremur; addens, donans et assignans ad idem altare decimam manipularem cuiuslibet grani post araturas suae curiae seu allodii ibidem in Marczinouicze in latitudine prout ad praesens arantur et coluntur, et quam decimam asserit nulli beneficio fore obligatam, petens huiusmodi additionem, donationem et assignationem per nos ratifican, sibique et suis successoribus masculini sexus de ipsius armis, unico tamen et.seniori pro tem pore existenti, post obitum praefati domini Nemerze iuspatronatus dicti altaris re- servari: quae omnia et singula in litera suo sigillo munita, cuius tenorem inferius praesentibus inserimus, plenius continentur et seriatim declarantur. Nos igitur Petrus Episcopus praedictus praefati Petri laudabile propositum in Domino commendantes, suis- que supplicationibus favorabiliter acclinati, praefatam capellam et ipsius praeben dam cum omnibus et singulis suis fructibus, reditibus, proventibus, iuribus et ob- ventionibus universis, una cum praefata decima cuiuslibet grani post araturas suae curiae seu allodii in Marczinouicze, prout ad praesens arantur et coluntur, addimus, annectimus et tenore praesentium perpetuis temporibus incorporamus. Et nihilominus iuspatronatus praesentandi ad dictum altare eidem Petro et suis successoribus legi- timis de ipsius armis existentibus et praesertim masculini sexus, et unico tunc se

niore existente, post mortem praefati domini Nemerze principalis collatoris ipsius altaris reservavimus et praesentium tenore reservamus. Tenor autem literae, de qua superius fit mentio, sequitur et est talis:

„Reverendo in Christo patri et domino, domino Petro Dei gratia Episcopo Cra- rcoviensi Petrus haeres de Marczinowicze filialem obedientiam cum promptitudine „famulandi. Ad vestrae Reverendae Paternitatis tenore praesentium deduco notitiam: „Quod praebenda capellae Sanctae Elizabeth in villa Koberzino per mortem Nico lai dicti Beno vacat ad praesens; cuius quidem praebendae iuspatronatus praesen- „tandi ad me meosque legitimos successores noscitur pleno iure spectare. Et quia „saepissime praebendarii seu rectores eiusdem capellae, qui pro tempore fuerant, so- „lebant se ab eadem capella absentare, et per eorum absentiam cultus divinus ibi- „dem negligebatur, temporalia dilapidabantur et multa dispendia fiebant: idcirco „ego cupiens fructus eidem praebendae attributos ad Dei laudem et peccatorum re- „missionem atque praedecessoíum meorum salutem salubrius convertere, ac ecclesiam „cathedralem Cracoviensem amplius decorare, proposui in meo animo, ut eadem ca- „pella cum omnibus et singulis fructibus, reditibus, proventibus, iuribus et obven- „tionibus universis, ad ipsam praebendam spectantibus, altari Omnium Sanctorum „sito in eadem ecclesia Cracoviensi, per honorabilem virum dominum Nemerzam „de Krzelow Canonicum eiusdem Cracoviensis et Custodem Collegiatae Sancti Flo- „riani ecclesiarum erecto et dotato, uniretur et incorporetur. Et ut tanto melius re- „ctor eiusdem altaris Omnium Sanctorum onus sibi impositum valeat et possit una „cum ministro portare, do, dono et libere assigno eidem altari decimam manipula- „rem cuiuslibet grani post araturas meae curiae seu allodii ibidem in Marcinouicze, „prout late ad praesens pro eadem mea curia arantur et coluntur, per rectorem „eiusdem altaris tollendam, decimandam et perpetuis temporibus possidendam. Sup- „plico igitur vestrae Reverendae Paternitati, quatinus huiusmodi meum propositum „ad effectum deducentes, praefatam praebendam dictae capellae eidem altari addere¿ „unire et incorporare, praedictaque omnia et singula superius expressa dignemini con- „firmare gratiose perpetuis temporibus duratura vestro privilegio mediante, iuspa- „tronatus eiusdem altaris praesentandi pro praefato domino Nemerza ad tempora „vitae ipsius, et post obitum pro me et meo unico et praesertim seniori successore „masculini sexus et tantum de meis armis reservando, praemium ab Altissimo re- „ceptura. Ad quorum omnium evidentiam et fidem pleniorem praesentem meam lite- „ram meum propositum et donationem praedicta in se continentem, scribi ac mei „sigilli appensionis munimine feci roborari. Actum et datum Cracoviae, Anno Do �?mini Millesimo Quadringentesimo undecimo."

In quorum omnium testimonium et evidentiam pleniorem praesentes nostras li teras scribi ac nostri sigilli munimine fecimus roborari. Actum et datum Cracoviae in nostra curia, die quarta mensis Octobris, Anno Domini Millesimo Quadringente simo undecimo. Praesentibus ibidem honorabilibus viris dominis Blasio Stephani Ar chidiacono, Iohanne Scolastico, Iohanne de Falcow Canonicis nostrae ecclesiae Cracoviensis et aliis quam pluribus testibus circa praemissa constitutis.

(Ex archetypo membranaceo. Sigillum pensile avulsum: restant tantuiu- modo tili serici coloris rosei. — Nr. Archiv. Univ. 9318.)