Nos Sigismundus civis Kazimiriensis, Advocatus provincialis Iuris supremi Theu- tunici Maydeburgensis castri Cracoviensis per Serenissimum principem et dominum dominum Wladislaum Dei gratia Regem Poloniae etc. una cum Scabinis eiusdem ludicii infrascriptis ad id specialiter deputatus, significamus tenore praesentium qui- bus expedit universis: Quod cum per nos iudicium fuit bannitum et more solito in loco consueto celebratum, coram quo iudicio bannito praesentialiter constitutae vir- tuosae dominae videlicet Margaretha relicta olim Andreae Libental civis de Craco via, cum Katherina sua filia legitima, non compulsae, non coactae, neque aliquo dolo aut fraude circumventae, quinimo mente sanae et corpore validae existentes, per Ni- colaum generum suum, civem Cracoviensem, electo eodem ipsis in tutorem legiti- mum, publice et per expressum recognoverunt se vendidisse haereditatem ipsarum dictam Krolowa wola, iacentem ex opposito curiae regalis Lobsow, cum omnibus pertinentiis, attinentiis et adiacentiis universis ad eandem haereditatem quomodoli- bet ab antiquo spectantibus, famoso viro domino Petro Kaldherberg civi Cracoviensi et suis liberis legitimis in perpetuum vendiderunt et resignaverunt pro triginta mar cis latorum grossorum Pragensium numeri Polonici, quadraginta octo grossos in quamlibet marcam computando, cum pleno iure et dominio, prout est dicta haeredi- tas in suis graniciis longe lateque circumferentialiter distincta et limitata, secundum ut eaedem dominae haereditatem praescriptam tenuerunt, habuerunt et possiderunt, nihil iuris et dominii, proprietatis pro se et ipsarum legitimis successoribus in ea- dem haereditate reservantes, sed per ipsum-dominum Petrum Kaldherberg et ipsius legitimos successores perpetuis temporibus tenendum, habendum, possidendum, uti- fruendum, vendendum, conunutandum, alienandum, obligandum et ad usus suos pro- prios prout sibi melius et utilius videbitur expedire convertendum, promittentes in- super praefatae dominae resignantes praetactum dominum Petrum Kaldherberg pro praemissa haereditate iuxta Iuris formam Theutunici Maydeburgensis per annum et diem pro omni impedimento atque dampno intercedere efficaciter et relevare. Unde nos attendentes venditionem, resignationem et emptipnem sic rite et rationabiliiter factam, per Stanislaum Bogutha ministerialem terrae Cracoviensis more solito in Iure nostro servari consueto, proclamationem fieri solempniter mandavimus primo, secundo, tertio et quarto ex superhabundanti quae per Iudicem promulgata fuit, ut si quis propinquior esset ad praedictam haereditatem et sui putaret interesse, quod

ius suum, quod se habere putaret, nunc temporis contractus praedicti allegaret et se interponeret pro suo interesse, alias si negligeret, mora sibi esset nociva et in posterum venire ad id allegandum non posse. Tali conditione addita, quod si eaedem dominae supradictae infra unum annum ad meliorem et pinguiorem utilitatem ac foitunium pervenerint, quod sint liberae dictam haereditatem a praefato domino Pe- tro Kaldherberg redimere et liberare extunc non aliter nisi restitutis sibi prius tri- ginta marcis latorum grossorum Pragensium praedictorum, ab ipso domino Petro iam receptis; idem dominus Petrus dictis dominabus viceversa de eadem haereditate cedere et condescendere, salvis tamen suis impensis et expensis, id quod pro refor- matione super eandem haereditatem ipsam reaedificando apposuerit, hoc sibi dictae dominae ad suam simplicem assertionem sine omni strepitu iudicii et ipsius iura- mento restituere et reponere debent. Harum quibus sigillum maius Iudicii provin- cialis Regiae Maiestatis castri Cracoviensis praesentibus est appensum serie litera- rum. Actum et datum in castro Cracoviensi, feria quinta proxima post festum San ctorum Philippi et Iacobi Apostolorum, sub Anno Domini Millesimo Cuadringente simo vicesimo. Praesentibus his circumspectis viris dominis Iohanne Brige, Simone de Lathow, Cunrado Zonneborn civibus Cracoviensibus, Iohanne Zyndrami, Alberto Lissek civibus de Kazimiria, Andreae Benkel cive de Weliczka, Pascone de Bi- bice Scoltetis et Scabinis Iuris supremi castri Cracoviensis praedicti, ac aliis quam plurimis fide dignis testibus ad praemissa.

(Ex archetypo membranaceo, cum reliquiis gigilli cerei, taeniola membra nacea appensi. — Nr. Archiv. Univ. 700.)