Urbanus .episcopus servus servorum Dei, Ad perpetuam rei memoriam. In su prema dignitatis apostolicae specula, licet immeriti, disponente Domino, constituti, ad universas fidelium regiones eorumque profectus et commoda, tanquam universalis Dominici gregis pastor commissae nobis speculationis aciem, quantum nobis ex alto permittitur, extendentes, fidelibus ipsis ad quaerenda literarum studia, per quae divini nominis suaeque fidei catholicae cultus protenditur, iustitia colitur, tam publica quam privata res utiliter geritur, omnisque prosperitas humanae conditionis augetur, libenter favores gratiosos impendimus et opportunae commoditatis auxilia liberaliter imperti- mur. Cum itaque sicut nuper pro parte carissimi in Christo filii nostri Casimiri Regis Poloniae illustris, nobis fuit expositum, civitas sua Cracoviensis, quae in regno suo Poloniae consistât et insignior est aliis civitatibus dicti regni, a Studiis gene- ralibus nimium distare noscatur, et propterea iurisperitorum et literatarum personarum copia in eodem regno minime habeatur, multique ex clericis nobilibus dicti regni eundo ad Studia generalia huiusmodi <^pti, alii vero in captivitate detenti, morti traditi fuerint: nos praemissa ac etiam eximiam fidei puritatem, quam tam ipse Rex et progenitores sui, Poloniae Reges, quam eiusdem regni incolae ad Sanctam Ro- manam Ecclesiam gessisse, prout ipse Rex et incolae gerere dignoscuntur, attente considerantes, ferventi desiderio ducimur, quod regnum ipsum scientiarum muneribus amplietur, fiatque literarum fertilitate foecundum, ut viros producat consilii maturi

tate conspicuos, virtutum redimitos ornatibus, ac diversarum facultatum dogmatibus eruditos, sitque ibi scientiarum fons irriguus, de cuius plenitudine bauriant universi literarum cupientes imbui documentis. His igitur omnibus et praesertim idoneitate dictae civitatis, quae ad multiplicanda doctrinae semina et germina salutaria pro- ducenda magis congrua et commoda inter alias civitates dicti regni fore dicitur, di- ligenti examinatione pensatis, ad obviandum damnis et periculis verisimiliter proven- turis ex distantia Studiorum huiusmodi incolis dicti regni volentibus acquirere scien- tiae margaretham, et non solum ad ipsorum, sed etiam aliarum regionum circum- iacentium incolarum commodum et profectum paternis affectibus anhelantes, dicti Regis in hac parte supplicationibus inclinati, de fratrum nostrorum consilio, autho- ritate apostolica statuimus et etiam ordinamus: ut in dicta civitate Cracoviensi de caetero sit Studium generale, illudque perpetuis temporibus inibi vigeat, tam in Iu ris canonici et civilis, quam alia qualibet licita, praeterquam in Theologia, facultate, et quod legentes et studentes ibidem omnibus privilegiis, libertatibus et immunitati- bus concessis Doctoribus, legentibus et studentibus commorantibus in Studio generali gaudeant et utantur; quodque illi, qui processu temporis bravium fuerint in illa fa cultate, in qua studuerint, assecuti, sibique docendi licentiam, ut alios erudire va kant, ac Doctoratus seu Magisterii honorem petierint elargiri per Doctores seu Doc- torem ac Magistros seu Magistrnm illius facultatis, in qua examinatio fuerit facienda, Episcopo Cracoviensi, qui pro tempore fuerit, vel ecclesia Cracoviensi pastore carente. Vicario seu Officiali dilectorum filiorum Capituli ipsius ecclesiae praesententur. Idem quoque Episcopus aut Vicarius seu Officialis Doctoribus et Magistris in eadem fa cultate actu ibidem regentibus convocatis, illos in his, quae circa promovendos ad Doctoratus seu Magisterii honorem requiruntur, per se vel per alium, iuxta modum et consuetudinem, qui super talibus in generalibus Studiis observantur, examinare studeat diligenter, eisque si ad hoc sufficientes et idonei reperti fuerint, huiusmodi licentiam tribuat et Doctoratus seu Magisterii conferat honorem. Illi vero, qui in eodem Studio dictae civitatis examinati et approbati fuerint ac docendi licentiam et honorem huiusmodi obtinuerint, ut est dictum, extunc absque examine et approba tion e alia, regendi et docendi tam in civitate praedicta, quam singulis aliis genera libus Studiis, in quibus voluerint, legere vel docere, Statutis et consuetudinibus qui- buscunque contrariis, apostolica vel quacunquae firmitate alia vallatis, nequaquam obstantibus, plenam et liberam habeant facultatem. Nulli ergo omnino hominum li- ceat hanc paginam nostrae ordinationis, constitutionis et voluntatis infringere vel ei ausu temerario contraire. Si quis autem hoc attemptare praesumpserit, indigna- tionem omnipotentis Dei et Beatorum Petri et Pauli Apostolorum eius se noverit in- cursurum. Datum Avenione, Calendis Septembris, Pontificatus nostri anno secundo.

(Archetypum huiusce Bullae desideratur hodie in Tabulario Universitatis Cracoviensis; restant tantummodo aliquot copiae, saec. XVII. et XVIII. exa- ratae, inter quas una per Ioannem Onnphrium Rafalowicz Notarium publicum d. 27 Angusti a. 1765 cum originali colftta. — Nr. Arch. Univ. 12,494.)