Wir der Rat und die gemain der Stat zu BurkhawsenBekenen offenlich mit dem brif daz wir von dez würdigen unsers Gotzhawss wegen||
der pharre zw sanct Jacob zw Burkhawsen gegeben haben und geben auch mit kraft des brifs einen ewigen Jartag Chünraten dem hofmann||
und Anna seiner hawsfrawn allen irn vodern und Nachkömen und allen geglawbigen Selen ze hilff und ze trost Darumb haben sy dem egenanten unerm||
Gotzhawss geben zw der Grossen glogken Sechtzehen ungrisch guldn die sy unserm Zechmaister berait bezalt habend und den selben vorgenanten||
Jartag sol yn ein ygleicher unser Zechmaister der ytzund ist oder fürbas wirt allew iar Järleich und ewikleich haben und begen von dez Gotz||
hawss hab und gült in den Nachsten acht tagen nach dem awffert tag dez nachts mit einer gesungen vigilig und des Morgens mit einer gesungen||
Selmesse und sol geben in den pharrhof dem pharrer zwain gesellen und dem kapplan y dem herren zwelf pfenning dem Schulmaister zwelf pfenning||
und dem Mesner Sechs pfenning alles Ötinger phenig oder ander gelt und Münsse daz allew iar Järlich dafür püret vnd gib vnd gäb ist und auch||
besorgen mit Geläwtt und mit allen sachen daz darzw gehört vngevärdlich. Wär aber daz der zechmaister der ytzund ist oder fürbas wirt den Jar||
tag alle iar järleich und Ewikleich als nicht begiengen auf die zeit und in der masse als oben ist verschriben ze Swelhem Jar daz beschähe als||
offt habend sich in unser Spytal den Armen Dürftigen verfallen Sechtzigk pfenning der egenanten Münss und werung die der Zechmaister von dez Gotz||
hawss Gült vnd hab sol awsrichten an alle Irrung vnd wider red an geverde Und das daz alles Gantz stät vnd unzerbrochen beleibe geben wir||
yn den Brief versigelten mit unserm gemainem Der Stat zw Burkhausen aigen Anhangunden Insigel alles das stät ze haben ze Ennden und ze||
volfüren das oben an verschriben istDer brif ist geben an Sand Pärtelmee tag nach Christi gepürde virtzehen hundert Jar vnd darnach in dem||
newntzehenden Jare

Source Fulltext: Joannis Beinhölzl im Rahmen der Übung "Digitale Urkundeneditionen" an der LMU München, Leitung Georg Vogeler, Sommersemester 2009