Philippus dei gratia electus ecclesie Salzburgen(sis) apostolice sedis legatus universis ecclesiarum rectoribus ceterisque Christi fidelibus ad :I quos hec littera pervenerit salutem in domino Iehsu Christo. Quoniam, ut ait apostolus, omnes stabimus ante tribunal Christi recepturi prout gessimus in corpore sive bonum fuerit, sive malum, oportet nos diem messionis extreme operibus misericordie prevenire ac in terris eternorum intuitu seminare, ut multiplicato fructu in celis recolligere mereamur, firmam spem tenentes et fiduciam, quoniam qui parce seminat, parce et metet, et qui seminat in benedictionibus, de benedictionibus et metet vitam eternam. Cum igitur hospitale beate Katherine situm in pede pontis Ratispone ad refocilacionem pauperum et infirmorum ibidem decumbencium auxilium Christi fidelium necessarium habeat universitatem vestram monemus et hortamur indomino ac in remissionem vestrorum iniungimus peccatorum, quatenus de bonis a deo vobis collatis ad subsidium predictorum pauperum et infirmorum vestras elemosinas transmittatis, ut per hec et alia bona, que domino feceritis inspirante possitis eterna premia obtinere. Nos etiam attendentes, quod particeps bonorum efficitur, qui se boni operis statuit adiutorem patronorum nostrorum Rțberti, Virgilii confisi meritis omnibus, qui de bonis suis prefato hospitali suas elemosinas fuerint elargiti quadraginta dies criminalium iniuncte sibi penitencie et terciam partem venialium in domino relaxamus. Ad hec universis ecclesiarum rectoribus Salzburgen(sis) metropolis in virtute sancte obediencie precipimus, ut nuncios eiusdem hospitalis cum pro requirendis elemosinis ad vos recursum habuerint studeatis ob nostri reverenciam efficaciter promovere nec de collectis collatis a) aliquam porcionem. Et in eorundem presencia questuarios ac petitores quoslibet excludatis huic mandato nostro rebelles pena debita puniemus. Dat. aput Raitenhaselah anno domini Mo CCo quinquagesimo Vo II id. Junii XI indictione. Volumus etiam, ut omnes indulgencie hospitali prefato per nostros suffraganeos indulte sint in tota nostra dyocesi valiture. Amen.