Que geruntur in tempore, in tempore ne labantur, cum tempore necesse est, ut scriptis et testibus confirmentur. Notum fieri :| volumus presentes litteras intuentibus, quod quidam miles nomine Chvnradus de Hohenvels, cognomine Prantel, quonam a) predium in Avenrevt situm solvens annuatim V schaph(as) cum aliis serviciis minutis hospitali sancte Katherine Ratispon(ensi) pro XXI tal(entis) proprie tradidit, necnon manu domini Chvnr(adi) de Hohenvels, qui est delegator, iam dicti predii dedit, et hoc de consensu et bona voluntate uxoris et puerorum suorum scilicet Chvnr(adi), Vlrici et Heinrici factum est ac predicto hospitali coram iam dicto C(hvnrado) ius suum resignaverunt. Quod ratum hoc permaneat et firmum et ne aliquis maliciosus inposterum possit confringi aliquo modo, presentem cedulam antedictus C(hvnradus) sigillo suo iussit roborari. Huius rei testes sunt: dominus C(hvnradus) de Hohenvels, H. plebanus de Hohenvels, Chvnr(adus) de Reittenbvch, Dietricus de Reitenbvch, Vlricus de Telwanch, Ernestus de Hohenvels, Libhardus de Hohenvels. Datum anno domini Mo CCo LVo, III. non. avgvsti.