Ich Rvger Laitgast tvn chvnt allen den, die disen prief vernement oder lesent, :I daz der Albreht der Wagenaer ein hofstat von mir hat ze zwain leiben, div leit in der Weitenstraz vnd hat der Albreht einen lip sin havsfrowe veriaert, den andern lip mit der beschaidenheit, daz si svolen geben ze zinse herm R/vger dem Laitgast von derselben hofstat an send Haimbrames abent oder an sinem tage XVI pfenning nach pvrchreht. Daz daz also ist zwischen dem Laitgast vnd herm Albreht dem Wogner, vnd siner havsfrowen, des ist gezivch: der Rvger vor pvrch, sin svn der Heinrich, der Herman der wohtmaister vnd sin svn der Herman, der Heinrich der pfof, Fridrich der Wirnt, Haertwich der Wogner, Rapot vor Pvch vnd ander piderb laevt, di dapi waren. Der prif ist geben nach Christes gebvrt tavsent iar, zwaihvndert iar vnd in den drevvndahtzigistem iar an send Vlrichs tage.