Ich Conrat, der elter von Paulstorff, bekenn in disem brief vnd bezeug, als :I dy brueder des spitals zu sannt Kathrein, an dem ennde der prugk zu Regenspurch gesessen, meinen eltern vnd mir hew vnd herberge, vnnsern pfarden vnd annder dinst bisher von vnnser bete vnd lieb wegen zu Regenspurg geantwurt vnd geben haben, das mir vnd mein elteren zu vnnsern sunden czu werden geacht vnd in den sunden taglichen ze sein oder ze liegen nicht gemynnert sunder sich die sunde ermert, dy bosen gewonhait von gutem willen vnd verhengnus, Agnesen meiner elichen hausfrawen vnd Hainreichs meines suns hab ich das mit solicher beschaiden abgetan, das sy die czeit vnd die weil ich lebe, vnd nicht lennger, alle jar czway fueder hews vnd czway fueder stros mir geben vnd in mein haws zu Regenspurg, bey den parf/ussen gelegen, antw/urtten sullen, also das der maister vnd bruder des obgenantten spitals, die zu den czeiten sind oder werden vnd das vorgenannt spital zu kainerlay dinst oder besw/arnus mir oder meinem ha/usgesind vnd allen meinen erben hinf/ur schuldig sein oder werden, vnd wann ich nymmer in leben pin, so sind sy meiner elichen hausfrawen vorgenanntt oder mein sun, oder tochter, oder mein erben war dy waren, solichs dinsts nymmer schuldig zu geben, vnd sullen dy obgenanten maister vnd brueder des spitals dy vorgenanten fueder hews vnd stroes oder annder dinste, oder beswarung ewiglichen nymmer mer geben vnd dy obgenanten maister vnd brueder des spitals vor aller mine dinste, herwerge vnd beswarnuß vnd der freyhait volknemelich genyessen. Vnd des zu einer waren gezeugnus hab ich in geben disen gagenwurtigen brieff mit meinem aigen anhangendem insigel bestatigt vnd darzu diser gezeugen hernach geschriben genomen hab mit namen: bruder Connrat, spitalmaister, bruder Connrat von Murach, Friderich von Rordorff, Hartlieb von Affalterbach, Connrad vom Stain, Berchtold von Hawsen, Albrecht von Amberg vnd vil annder erberger leut czu gezeugnuß der warhait. Dinck sind geschehen in dem jare als man zalt von Cristi gepurt czwelifhundert vnd darnach newnvndnewnczig iar des anndern tags in dem apprill.