Ich Ulrich von Mangolting vergich offenbar an disem brief und thun chunt allen den di in an sehent oder hoerent lesen, daz ich den hof gelegen ze Mueching, der hintz dem Spitol ze Regens gehoert bestanden han, von pruder Albrehten Maister daz dme Spitol von der lichtmess der schirst chumt uber ain jar umb den dienst, der durch reht, do von gehoert also daz man Stewern steuern mit mir schawen schol nach paulant reht, ob mir sein not wirt, und swann sich daz jar verget, so schol ich im den selben hof ligen lan pawlichen und wesenlich an alle ansprach, ledichlich mit aller der berihtigung und si mir darauf gegeben habent. Dez sint gezeug Ott von Teusprunn, Merbot von Siffchoven, Merbot Teusronnaer, Chunrat von Scheyr, Lvedel von Haydaw, Merbot Amman von Mongelting. Tar zu gib ich im diesen brief zu ainem urchund versigilten mit meinez genaedigen herren insigel herrn Ekkehard von Haydawe im allez daz stat ze behalten daz oben verschreibne ist. Datum anno domini M^o c^oc^oc^o xxiiii Sabato post octavas Epiphanie