Ich Ch/unrad, dez Pesleins s/un von Renha/wsen, mein hausfra/w vnd all vnser erben, wechennen offenlich mit dem brief allen :I den, dy in sehent, h/orent oder lesent, daz vns vnser genediger herr Martein Gebenpekch, z/u den zeiten maister dez spitals sand Kathrein, an dem f/uss der prukk z/u Regenspurch, vnd gemainlich dy samung dezselben spitals, recht vnd redlich verlihen vnd lassen habent z/u einen rechten zinslehen, ir vnd irs spitals aygne/w seczz, gelegen an dem Galgenperg z/u Renha/wsen, mit aller z/ugehor/ung; mit der weschaiden, daz wir in vnd dem egenanten spital allew jar i/arlich davon z/u zins geben s/ullen, oder wer dy egenanten seczz inne hat, sechczehen pfenning Regenspurger m/unnss, ie an sand Hayrams abent oder an seinem tag, nach purchrecht vnd als zinslehens recht ist. Wir m/ugen auch dazselb zinslehen auf der egenanten seczz wol vercha/wffen oder versetzzen vmb vnser notdurft wem wir wellen, mit vnssrer obgenanten herschaft wissen vnd willen, daz sy vns daran nicht engen noch irren sch/ullen, in vnenkolten an irem egenanten zins. Sy s/ullen vns auch dy egenant seczz versten, vertreten vnd versprechen mit dem rechten f/ur allen irrsal an ansprach als zinslehens, dez gerichtz vnd der hofmarch recht ist, do dy egenant seczz inne gelegen ist, wo vnd als oft vns dez not geschiecht, an allen vnsern schaden; t/aten sy dez nicht, swelhen schaden wir dez nemen, den sullen sy vns g/anczlich abt/un vnd widerchern, an all widerred. Vnd daz in daz allez also st/at, gancz vnd vnczebrochen weleib, dez z/u eine warn vrch/und geben wir in den brief versigelt mit hern Lyenharten dez Symons, z/u den zeiten rychter in der vorstat, insigel, der ez an den brief gelegt hat nach vnsrer fleizzigen pet, im vnd seinen erben an schaden vnd auch vnenkolten der herren vogtey vnd stewer, darvnder wir vns verpinden mit vnsern tre/wen st/at ze haben allez daz, daz an dem brief verschriben ist, der geben ist nach Christy gep/urtt dre/wczehenh/undert jar vnd darnach in dem f/unfvndne/wnczigistem jar an sand Alexii tag.