Ich pr/uder Fridreich Krotentaler, probst auf dem N/orchav, vergich vnd tvn kvnt offenleichen an disem prif allen den, die diesen prif an:Isehen oder lesen oder h/orent lesen, daz Vlreich von Winchel des choches svn fur mich k/vm vnd hingeben hat daz erb ze Stalh/often, daz aygen ist dez spitals ze Regenspurch, Chvnrat dem schuster von Winchel, seiner hausfr/owen vnd allen sein erben, dez er pr/if von dem convent gemaincleichen het. Denselben pr/if hat er geantw/ort Chvnrat dem schuster, dem er dicze erb ze kavfen hat gegeben. Nv vergich ich an des counentes stat im Chvnrat dem schuster, seiner havsfrowen vnd allen seinen erben dezselben erbes mit der beschaiden, daz ierleichen Chvnrat der schuster geben schol dovon auf sand Michels tag achczich Regenspurger pffennig, di ie ze der selben zeit gib vnd g/ab sein ze Regenspurch in der stat. Vnd ob daz gesch/ach, daz er der vorgena[n]ten pffennig avf den vorgena[n]ten tag niht engaeb, so schol er si vnuerz/ogentleichen von dan /vber vierzehen tag geben. T/at er dez niht, so hat sich daz erbrecht veruallen, daz er noch sein havsfr/owe noch sein erben dhain ansprach nymermer darnach sch/ullen haben vnd den eyn lediges g/ucz ist dez spitals. Darvber zv ainer stetichait des vodern prifs vnd dez kauffs gib ich diesen pr/if versigelt vnder des erberegen mannes insigel hern Rvdgers von Weyern, purgers ze Amberch, wan wir vnser selbs insigel ze diesen zeyten pey uns niht haben, im an gelt. Vnd dez sein ta/idinger gebesen die erbergen manne: her R/vtlant, weilnt pffarr/ar ze Lintacach, vnd her Hainreich der Per von K/omerspruk vnd her Fridreich sein pr/uder vnd ander erberg l/avtt. Vnd daz ist geschehen, do man zalt von Christes gep/urt drevzehenhvndert iar darnach in dem viervndvierzigisten iar irtags v/or csand Mirteins tag.