Nos Vlricus dei gracia prepositus et conventus ecclesie sancti Mangni Ratispone presentibus confitemur, :| quod discretus vir dominus Chunr(adus) prespiter quondam vicarius parrochialis becclesieb in Moshaim singularis et familiaris amicus noster in extremo vite sue ordinavit nobis ad Oblaygium (?) nostrum quatuor libras denariorum Ratisponensium, quas sine omni diminucione in prompta pecunia recepimus sub tali pactione, ut annis singulis anniversarium diem predicti Chunradi et Adelhaydis matris sue in simul una die, prout evenerit, et in vigilia assumpcionis gloriose virginis Marie Ekkperti sacerdotis avunculic prefati Chunradi, similiter obitus sui diem in sero vigiliis et sequenti mane, missa defunctorum celebremus et in quoque annversario per obellarium nostrum, qui pro tempore fuerit, triginta denarii Ratisponenses pro consolacione fratribus nostris ministrentur. Quocumque autem anno in premissis anniversariis essemus notabiliter negligentes, quod absit, ex tunc eodem anno, quo negligenciam huiusmodi per nos committi contingeret, pro pena negligencie ad domum hospitalis sancte Katerine in pede pontis Ratispone, sexaginta denarii Ratiponenses pro consolacione infirmorum predicte domus hospitalis a nobis sine contradictione qualibet persolvant; et in testimonium premissorum omnium dedimus has litteras sigillo nostri capituli roboratas. Datum et actum anno domini millesimo CCCo XLIIIIo, proximo die sabato ante dominicam qua cantatur Judica.