Wir Johanns von gotes genaden pfallenczgrafe bey Rein vnd herczog in Beyern etc. schaffen ernstlich vnd :I vestichlich mit vnsern pflegern, richtern vnd ambtlewten zu Vochburg, zu Pfaffenhofen vnd anderhalben in andern vnsern gerichten, wenn oder wo dez spitals zu Regenspurg ambtlewt vnd boten zu ew k/omen vnd ew anr/uffen von der g/ult wegen, die dasselb spital in vnsern obgen(anten) gerichten hat, daz ir yn dann von vnsern wegen ernstlich vnd fuderlich geholffen seit, alz lieb ew vnser genad sey, daz man yn geb vnd dien g/ut Regenspurger pfenning von allen iren g/uten vnd g/ulten, wo daz ir vrbarp/uch sagt oder da man si von altter gegeben hat oder daz man yn dieselben Regen(spurger) mit der zwig/ult vnderleg, also daz si an iren g/ulten dhainen abganch haben. Vnd ob sich dez dhain ir pawman oder hinders/azz seczen wolten, den s/ullt ir hertichlich darczu n/oten vnd halten, daz er t/u, alz vorgeschriben stet, daran t/ut ir genczlich vnsern willen vnd mainung. Geben zu Regenspurg an sampcztag nach dem aufferttag anno domini millesimo CCCmo nonagesimo tercio.