Ich La'utwein auf Tvna*w, purger ze Regenspurch, vergich offenbar an disem brif allen den, die :I disen brif ansehent oder h/orent lesen, daz ich mit verdahtem m/vt mein hofstat gelegen vor purch vnder dem ekkhaus, do man ze der rehten hant get in die weiten strazz, verlihen vnd lazzen han den gaistleichen la'uten, hern Fridreichen dem maister datz dem spital an dem fuzze der prukke ze Regenspurch vnd /vberal der gemain der pr/uder desselben convents ze den zwain leiben, auf swester Annen, hern Ludweigs des goltsmides thohter, vnd auf swester Chvngunden des T/urlingeres thohter leibz, freileich vnd fridleich ze besitzen, dieweil dieselben zwen leib lebent nach leiptings reht, also mit der beschaiden, daz si mir oder meinen nachchomen alle jar davon ze zins geben sch/ullen an sand Haimerams abent oder an dem tag sechtzehen Regenspurger pfenning, die danne gibe vnd ga'be sint ze Regenspurch in der stat nach purchreht. Swann auch die vorgenanten zwen leib niht mer ensint, des ich doch niht w/unsch, so ist mir oder meinen nachchomen die vorgenant hofstat ledich worden nach gnaden. Vnd daz in daz also sta't vnd vnzebrochen beleib, dar/vber ze einem vrch/vnd vnd ze einer besta'tichait gib ich in disen brif versigelten mit meinem insigel. Daz ist geschehen, do man zalt von Christes gep/urtt dreutzehenhvndert jar vnd in dem drevvndviertzigisten jar an sand Erharts tag des heiligen herren.