Ich Angnes di Notangstynn, witib, burgerynn zu Regens(burg), di vor gehabt hat herren Fridreich den Notangst seligen vnd all mein erben vnd nach:Ikommen, veriehen vnd bekennen offenlich mit dem brief allen den di in ansehent oder horent lesen, das wir mit veraintem gutem willen vnsern weingartten, genannt di Platten, der gelegen ist auf der Schelmstrazz zu nachst an herren Vlreich des G/vmpprecht weingarten vnd ist rechcz zinslehen von der wirdigen fraun, der abbtessynn zu sand Pauls zu Regens(burg), der man i/arleich daraus zu zins gibt vierczikch Regenspurger pfennig an sand Marteins abent oder an seinem tag, vnd was zu dem vorgenanten weingarten geh/ort nichtz ausgenomen, bes/ucht vnd vnbes/ucht, vnd mit sambt den briefen vnd urchunden di wir daruber gehabt haben, recht vnd redleich zu durchslecht verchauft vnd geben haben als chauffes recht ist vnserm lieben svn Hannsen dem Notangst, burger zu Regens(burg), seiner hausfrawn vnd allen iren erben vnd nachkomen vmb ein sogetan gelt des si vns gentzleich verricht vnd gewert habent on allen vnsern schaden. Wir haben in auch den vorgenanten weingarten mit vnserer egenanten lehenfrawn hant, der abbtessynn zu sand Pauls, aufgeben best/att vnd in ir hant pracht, vnd gewaltig getan vnd geseczt in nutz vnd gewir, vnd verczeihen vns des allez zu durchslecht mit dem brief als verre das wir darauf noch darnach dhain ansprach noch voderung nicht mer haben noch gewynnen sullen noch enmugen, weder mit gaistlichem noch werltlichem rechten noch on recht, chlain noch gros in dhain weis, vnd ob wir oder iemand anders dhainerlai brief oder vrchund ynn heten oder furpr/achten di uber den vorgenanten weingartten vnd waz darz/u gehort sagten, di sullen an aller stat ab vnd tod sein vnd nicht chraft haben vnder den gagenburtigen brief vnd wider di brief vnd vrchund di wir in daruber eingeantwurtt vnd geben haben. Wir sullen in auch den egenanten weingartten mit aller zugehorung versten vnd versprechen mit dem rechten als chauffes der herrschaft vnd des gerichtes recht ist da er ynn gelegen ist on allen iren schaden. T/aten wir des nicht, welhen schaden si des nemment mit dem rechten, den sullen wir in abt/vn vnd widerchern vnd si sullen vnd m/ugen auch des von vns vnd von aller vnser hab, bes/ucht vnd vnbesucht bechomen, mit gaistlichem oder werltlichem rechten, wann vnd wie si wellent vnd wes wir oder iemand anders von vnsern wegen furbas daruber von des vorgenanten chauffes wegen mit in kriegten oder rechten mit recht oder on recht, das habent si an aller stat behabt vnd wir verlorn. Das in oder wer den brief von iren wegen ynnen hat vnd furpringt, daz alles also st/at vnd vntzebrochen beleib, daruber zu vrchund geben wir in den brief besigelten mit des erbern vnd weisen hern Hannsen des Gvmpprwecht, an der zeit Schultheizz zu Regenspurg insigel das er an den brief gelegt hat nach vnserer vlleissigen pet, des chauffes zu einer gezewgnuzz, irn vnd seinen erben on schaden vnd vnenkolten, darvnder wir vns verpinden mit vnsern trewn st/at zu halten waz an dem brief verschriben ist. Das ist geschehen nach Kristi gep/urtt vierzehenhundert iar darnach in dem fvmften iar an sand Johanns abent zu S/vnnbentten.