Ich Hainrich der Kloel, gesessen czu Wisendorff auf dem spitalhoff, meyn hausfraw vnd all vnser erben vnd nachkomen, veriehen vnd bekennen offenlich I: mit dem brieff das ich mich mit willen lieplich vnd frewntlich verricht vnd vertaiding han auff ein gancz end mit hern Hartman, pfarrer ctu Menczenbach, di zeit maister des spitals sand Kathrein an dem fusz der prukk czu Regenspurg, vnd gemainklich mit dem conuent doselben von aller der stosz, zwilauff vnd hanndlung wegen di sich zwischen vnsrer czu paiderseit verlauffen vn vergangen, vnd von der gefannknusz wegen darein komen was vnd von aller andrer vergangen sach wegen nichtz ausgenomen, vncz auff den tag hewt (a)llso daz ich des spitals vn seinen phleger vnd maister vnd aller laut hab vn guten vnd auch aller andern dez spitals diennarn, gagenwurtigen vnd kunftigen, vnd auch aller der di an meiner gefannknusz schuldig oder darunder verdacht sint niemant ausgenomen, darumb guter getrawer frewnt worden pin vnd ich oder /yemant anders von meinen wegen sullen noch enwollen aller vergangen sach vn hanndlung als oben uerschriben ist nymmer in geafern? noch furpremgen? noch dem spital vn seinen phleger vn maister noch ir laut, hab vnd guten oder andrer des spitals ambtlauten vn diennarn, darumb dhainerlay veintschafft noch schaden nicht tragen, czuziehen noch werben, vnd ob ich oder yemant anders von meinen wegen daz ubir furen, haimlich oder offenlich, das