Ich Chvnrat der P/uchse/ar von Frieshaim vnd ich Fridreich sein svn, vnser hawsfr/awn vnd alle vnser eriben, veriechen vnd t/vn chvnt allen den, die den brief ansehent oder h/orent lesen, daz vns vnser gen/adiger herre her Albrecht von Zeidlorn ze den zeiten maister dez spitals sand Katrein an dem f/uzz der prukk ze Regens(purch) vnd gemainleich der conuent doselben, lazzen habent ir vnd irs gotzhaws aygen hof ze Frieshaim, von vnser frawn tag ze lyechtmesse der nv hin ist, /vber dr/ew ganczew jar, die nochst nacheinander choment, also mit der beschaiden, daz wir in j/arleichen davon geben vnd dienen s/ullen, vier schaf korns vnd vier schaf habern daz auf dem hof stet nach beschawung, vnd sechczikch Regenspurger pfenning wysgeltz, acht ch/as, hvndert ayr, vier genzz vnd acht h/vner, daz in j/arleich gevallen sol, an allen abganch. Es ist auch geret vnd getaydinge worden, ob wir nicht g/ut pawl/awt w/arn oder ob wir vnsern egenant herren ir g/ult vnd dinst jarleichen nicht g/aben vnd berichten als obenuerschriben ist, oder s/unst dhainerlay wider si handelnten oder taten, so habent si vollen gewalt vns ze vercheren in den egenant drein jaren, swann si wellent, an allew irrvng vnd hindern/usse, vnd swann die vorgenant dr/ew jar aus ch/oment vnd vergangen sind, so sch/ullen wir vnsern egenanten herren iren egenanten hof ze Frieshaim vnd swaz darzu geh/ort, ze veld vnd ze dorff, bes/ucht vnd vnbes/ucht, pawleich vnd wesenleichen, ligen lazzen, also daz wir noch alle vnser nachkomen auf den vorgenanten hof ze Frieshaim noch auf di pawrecht, noch auf die zimmer, noch auf nichtew daz zu dem vorgenanten hof geh/ort, dhain ansprach noch vodrung nicht mer haben noch gewinnen s/ullen noch enm/vgen, weder mit recht noch an recht, gaistleiche noch wertleichem, chlain noch groz, f/urbas nymmer mer noch anders nyemant von vnsern wegen in dhainerlay weis, vnd ob wir oder anders ymant von vnsern wegen dar/vber mit vnsern egenanten herren chriegten oder rechten, mit gaistleichem oder wertleichem rechten oder an recht, dieselben chrieg vnd recht s/ullen si alle vnd an aller stat behabt haben vnd wir verloren haben, an allew widerred, als vom in daz gehaissen vnd gelobt haben mit vnsern trewn, an allez gev/ar. Daz in daz alles also st/at vnd vnzerbrochen beleib, dar/vber ze einem vrch/vnd vnd ze einer best/atichait geben wir vnsern vorgenanten herren den brief versigelten mit des erwerigen manns, vnsers gen/adigen herren hern Leben dez Wurtzzer ze den zeiten pfleger ze T/vmstawff insigel, daz er an den brief gelegt hat nach vnserer vleizzen pet, der sach ze einer gezeuchn/usse, im selben an schaden vnd auch vnenkolten, darvnder wir vns verpindern mit vnsern trewn allez daz st/at ze behalten, daz an dem brief ist verschriben, g/anczleichen an allez gev/ar, wan wir nicht aygener insigel haben. Der sach sind zeug vnd taydinger gewesen: her Chvnrat der T/vntzlinger, pfarrer ze T/vmstawff, Wernt(?) der Salrer, her Andre der Strawbinger, Fridreich der chaufman, Vlreich der Rorbekch ze T/vmstawff, Chvnrat der Pekch von Erling vnd Marchart der Schertz von M/vnndreiching vnd ander erweriger l/awt ein michel tail. Daz ist geschechen, do man zalt von Christes gep/urtt drewczehenhvndert jar vnd in dem sybenczigistem jar dez eritages nach vnser fr/awn tag in der vasten.