Ich Albrecht Jewch z/u Chesching, wechenne offenlich mit dem brief vmb all dy ansprach, z/uspruch vnd :I vodrung dy ich gehabt han z/u dem erbern mann her Martein Gebenpekchen, spitalmeister dez spitals sand Kathrein an dem f/usse der pr/uke z/u Regens(purch) vnd cz/u der samnung doselbs, darvmb ich ire/w g/uter verchlagt het, wie sich daz allez verla/wffen vnd ergangen hat, nichcz ausgenomen vncz auf den he/wtigen tag, darvmb pin ich mit dem obgenanten her Marttein gebenpekchen, spitalmeister mit dem spital vnd mit allen den iren liplich vnd frewntlich verricht, vertaydingt vnd verschaiden worden auf ein gancz end daran mich wol wen/ugt, als verre daz all mein ansprach, chlag vnd vodrung gar vnd gancz ab ist vnd f/urbaz nymer mer ge/awert noch gemeldet sol werden, weder von mir noch von anders yemant von meinen wegen, in dheiner weis. Vnd dez z/u vrchund vnd westeticheit gib ich in den brief versigelten vnder dez erbern, vestten hern Erhard dez Pemfelder z/u Ingolstat insigel, der ez an den brief gelegt hat nach meiner fleizzen pet, im vnd seinen erben an schaden, darvnder ich mich verpind mit meinen tre/wen st/at ze haben, waz an dem brief verschriben ist. Der sach vnd dez gepetes vmb daz Insigel, sind zewgen vnd teidinger gewesen : der erberig geistlich her Hans, chappellan zu sand Peter ze Chesching; Hainrich Hellmair; Hartlieb Mechinger; Ch/unrad Poczl z/u Chesching; Vlrich Mair von Tegers; Vlrich Stubenfol von Tra/wbling; Liebhard probst; Hanns schreiber dez obgenanten spitals. Daz ist geschehen, anno domini Mo CCCo nonagesimo quinto in vigilia sancti Jacoby apostoly.