In nomine domini amen. Universis Christi fidelibus presens scriptum intuentibus Eberhardus prepositus :¦ maioris ecclesie Ratisponen(sis) et archidiaconus salutem in omnium salvatore. Ut tempus labitur sic gesta mortalium nisi litterarum apicibus, subscriptis testibus obtineant firmamentum. Noverint igitur presentes ac posteri, quod Hailwigis mulier in nostri presentia constituta locationem curie sue Ÿfelstorf, quam videlicet curiam de consensu nostro et consilio pleno iure nemini penitus reclamante hospitali Ratisponensi multos ante annos habendam contulerat et possidendam, in manus fratris Vlschalci tunc temporis existente magistro hospitalis resignavit pariter et abdicavit sub hac forma, ut frater Vlschalcus vel quicunque domino vocante successor suus in ipso hospitali exstiterit antedictam curiam ad nutum et consilium prefate Hailwigis singulis locet annis. Ea namque hoc modo locata sive pro frumento sive pro denariis sepedicta Hailwigis plenos ipsius proventus recipiat et quo ad usque ipsa vivat, in signum et testimonium proprietatis quatuor metretas maioris mensure Ratisponen(se), que vulgaritera vierhlinch nuncupatur, hospitali singulis annis persolvat aliqua penuria ullave grandinis aud spoliorum seu qualiscunque pressure occasione non obstante. Post obitum vero Hailwigis mulieris hospitale universos proventus curie sue Ÿfelstorf ex integro percipiat, quiete possideat et in usus suos, prout opus fuerit, disponat. Huius rei testes sunt: Chunradus viceplebanus in Phreimd, Chalhohus miles de Hage, Vlrich Hornpech, Hainrich de Smidgadem, Hugo et Ditrich servientes et alii quam plures fideles Christi. Ne vero tale donum aliquam calumpniamb patiatur in posterum, ad preces utriusque partis huiusmodi gesta litteris nostris sigilli nostri munimine roboratis confirmamus.

Source Fulltext: s. o.