Charter: Urkunden Kollegiatstift Schüsselkorb A VII 7-1
Signature: A VII 7-1
Add bookmark
Edit charter (old editor)
1464 Juli 30
Die Gildemeister der Kürschnergilde Heinrich Broekmann und Hans Tönnies bestätigen dem Senior und dem Kapitel der Maria-Magdalenenkapelle, dass sie an dem Steinbau mit der St. Severikapelle in dem Haus und Hof auf dem Alten Markt, welches sie kürzlich von ihnen gekauft haben, keinerlei Recht haben. Die Tür zwischen dem Haus und der Kapelle können Senior und Kapitel nach Belieben verschliessen oder dem Bewohner des Hauses offen lassen, ohne dass daraus ein Recht erwachsen soll. Den Keller unter und den Boden über der Kapelle darf der Bewohner nur mit Bewilligung des Seniors und des Kapitels benutzen, der Durchgang zum Garten, den derzeit Klaus Illies benutzt, soll geschlossen werden. Die Hofbewohner können den Hof ebenso benutzen wie der Hausbewohner. Material: Pergament
Dimensions: 26,5 x 10,8
Wy Hinrik Broekmans und Hans Tonnies, gildemesters und ghemeynen kortzenwerten to Hildensem, bekennen openbaer in dessem breve vor uns und unse nakomelinghe und alsweme, dat wy an der cappellen sunte Severi upp dem Oldenmarkede to Hildensem beleghen und an dem steynwerke, dar de sulve cappelle inne is, van dem grunde wente to dem vorsten uth neynerleye rechticheyt enhebben edder bereden schullen und willen in tokomenden tyden, nemeliken van des kopes weghen der husinge und hove, alze wy van den ersamen heren dem seniori und canoniken sunte Marien Magdalenen cappellen bynnen der sulven staed Hildensem rechtes und redelikes kopes ghekoft hebben, edder anders jenigherleye wys. Des so moghen de sulven senior und canonike vorbenomet, den de sulve cappelle incorporeret is, alsodane doer, dede ingheyt uppe de cappellen van unsem huse, dat wy kortliken van on ghekoft hebben, toneghelen edder tomuren, wu one dat bequemest is und wan se willen sunder unse weddersprake. Wolden se ok de sulven doer bewiliken open dem inwoner des sulven unses huses, dat scholde wesen van gnaden und nicht van rechte. Weret ok, dat de inwoner des sulven unses huses bruken wolde des kellers under dem steynwerke und der bonen dar enboven, dar scholde he edder wy oren willen umme hebben. Ok is besproken, dat de porte, dar Clawes Illies in den gharden gheyt by dem sulven steynwerke, de schal men tomaken, dar wy ok neyne rechticheyt anne bereden schullen edder en willen. Vorder is besproken, dat de lude vor upp dem hove des sulven hoves mede bruken schullen ghelyk dem inwoner unses huses. Alle desse vorscrevenen stucke und artikele und eynen jowelken bisunderen loven wy ghildemesters und ghemeynen kortzenwerten vor uns und unse nakomelinghe in guden truwen stede und vast wol to holdende sunder alle lyst. Des to bekantnisse hebben wy unser ghemeynen ghilde und werken ingheseghel ghehenghet witliken an dessen breff, na der ghebord Christi unses heren Verteynhundert und in dem veyerundsestighesten jare, amme mandaghe na sunte Panthalionis daghe des hilghen martelers.
Language:
A click on the button »Show annotation« displays all annotations on the selected charter image. Afterwards you are able to click on single annotations to display their metadata. A click on »Open Image Editor« opens the paleographical editor of the Image Tool.
){kind=link}
){kind=link}