Wy de radt der Nygenstadt vor Hildensem bekennen openbar in dussem breve, dat vor uns qwam Sylvester Steckell, bekande vor seck und syne erven, dath he gelathenn und tho eynem rechten ervekope vorkofft hebbe syn huß, hoff sampt de gantzen wonunge und thobehorunge alßo dar tho horet up der Wullenweverstratenn twischenn Andreß Schraders unnd Hans Tymmermans huseren und wonungen belegenn, Hansen Szenger unnd synen erven. Die vorbenompte Sylvester Steckel hefft vorthmer vortegenn und eyne rechte vorticht gedhan des vorgescreven huses, blekes und wonungen mith vortichte alles rechtenn, ßo he unnd syne erven darannhe hadden unnd in jennigerleyewiß bekrefftigenn konden, mith hande und munde in unßer jegenwurdigkeit, alles tho handt unnd behoiff Hanßes Sengers unnd seyner erven. Des tho bekantenisse hebben wy obgenante radt unser stadt ingesegel ahn dussenn breff lathenn hengen, nach Christi geburdt im Veffteinhundersten vyffundsestigesten jare, dinstages nach Catharine virginis. lb lb Hans Lylli, lb Hans Eckhoff. lb lb NB: Auf der Rückseite der Weiterverkaufsvermerk: Anna Senger f. verlat ohrem ehemanne Jurgen Alvus, donnerstags nach Oculi anno 85.