Charter: Urkunden Dompropstei (1333-1597) A VI 15 [2]
Signature: A VI 15 [2]
Add bookmark
Edit charter (old editor)
1502 Januar 3
Stiftsherr Bernardino Buzini in Albin und Jean Andre aus Fayence, Prokuratoren von Juan Castellar (y de Borja), Erzbischof von Trani und Dompropst in Hildesheim, geben dem Hildesheimer Bürgermeister Henning Brandis eine Anwartschaft auf das Lehen, das derzeit Hans Sprenger besitzt, nämlich vier zehntfreie Hufen oben und unten am Berg vor der Alt- und Neustadt Hildesheim. Material: Perg.
Dimensions: 31,2 x 7,1 cm
Wy Bernhardinus Buzini canonick to Albin etc. und Johannes Andree van Faventz, des erwerdigestenn in got vaders und herren herren Johannis Castella, ertzebiscoppes to Trane unde domprovestes to Hildenßem, unses gnedigestenn herren fulmechtige procuratores unde anwaldenn bekennen openbar in unde myt crafft dusses breves, dat wy belent hebben uth der fulmacht van wegen gedachten unses gnedigesten herren denn ersamen Henningk Brandis, borgermester to Hildenßem, myt ver teegetfrige hove landes boven unde nedden an deme berge vor der Olden unde Nigen stat Hildenßem belegenn, dat nu tore tyt Hans Sprenger van synen gnaden unde domprovestie to lene drecht, in dusser wise, alse wan na deme willen goddes Hans Sprenger van dodes wegen vorfelle sunder manerven, dat denne gemelte Hennik Brandis van stunt belent sy, denne alse nu, nu alse denne, ane alle geverde, so sick in lensrechte unde gedinge wontliken gebort, unde obgemelte unse gnedigeste here scall deme vorgenanten Hennigk Brandis der gudere, lens unde gedinge, sin rechte bekennige here unde ware weßen, wanner ome des noet unde behoff unde van synen gnaden geeschet worde. Des to forderem orkunde hebben wy unses gnedigesten herren vorbescreven ingezegel witliken gehenget an dussen breff, gegeven na goddes bort Veffteynhundert jar unde twe, ame mandage na des Nigen Jares dage. ||
||
Bernardinus procurator prepositi manu propria. ||
||
Johanes Andreas manu propria.
||
Bernardinus procurator prepositi manu propria. ||
||
Johanes Andreas manu propria.
Language:
A click on the button »Show annotation« displays all annotations on the selected charter image. Afterwards you are able to click on single annotations to display their metadata. A click on »Open Image Editor« opens the paleographical editor of the Image Tool.
){kind=link}
){kind=link}