xxx Eugenius episcopus servus servorum dei dilectis filiis Geroni abbati eiusque fratribus de Raitenhaselac^a tam presentibus quam futuris regularem vitam professis in perpetuum. xxx | Religiosis desideriis dignum est facilem prebere consensum, ut fidelis devotio celerem sortiatur^b effectum. Eapropter, dilecti in domino filii, vestris iustis postulationibus clementer annuimus et prefatum locum, in quo divino mancipati estis officio, sub beati Petri et nostra protectione suscipimus. Statuentes, ut quascumque possessiones, quecumque bona idem monasterium iuste et canonice possidet aut in futurum concessione pontificum, largitione regum vel principum, oblatione fidelium seu aliis iustis modis deo propitio poterit adipisci, firma vobis vestrisque successoribus et illibata permaneant. In quibus hec propriis duximus exprimenda vocabulis: locum ipsum, quemadmodum a venerabili fratre nostro Conrado^c Salzburgensi archiepiscopo vobis pia devotione collatus est, Windeberge cum omnibus appendiciis suis, Tierolfingen mansum unum cum pascuis, cultis et incultis, quesitis legitime et acquirendis, in silva, que vulgo dicitur Amphimareuorst^d, pascua Portene areamque Sco^vzingene, in Ratisponensi episcopatu predium in loco, qui Mosefol^f vocatur, sicut a nobili viro Wolfero^g, uxore quoque et filiis suis cum capella^h vobis concessum est. Sane laborum vestrorum, quos propriis manibus aut sumptibus Colitis, sive de nutrimentis vestrorum animalium¹ nullus a vobis decimas exigere presumat. Decernimus ergo, ut nulli omnino hominum liceat prefatum monasterium temere perturbare aut eius possessiones auferre vel ablatas retinere, minuere aut aliquibus vexationibus fatigare, sed omnia integra conserventur eorum, pro quorum gubernatione et sustentatione concessa sunt, usibus omnimodis profutura salva sedis apostolice auctoritate et diocesanorum episcoporum canonica iusticia. Si qua igitur in futurum ecclesiastica secularisve persona hanc nostre constitutionis paginam sciens contra eam temere venire temptaverit, secundo terciove commonita, si non satisfactione congrua emendaverit, potestatis honorisque sui dignitate^k careat reamque se divino iudicio existere de perpetrata iniquitate cognoscat et a sacratissimo corpore ac sanguine dei et domini nostri lesu Christi aliena fiat atque in extremo examine districte ultioni subiaceat. Cunctis autem eidem loco iusta servantibus sit pax domini nostri lesu Christi, quatenus et hie fruetum bone actionis pereipiant et apud districtum iudicem premia eterne pacis inveniant. Amen^l. Amen. Amen.||
||
(R.) Ego Eugenius catholice ecclesie episcopus ss. (BV.)^m Dat.ⁿ apud Vicum per manum Gvidonis sanete Romane ecclesie diaconi cardinalis et cancellarii V kal. febr., indictione X, incarnationis dominice anno M.C.XLVI, pontificatus vero domni Eugenii pape III anno secundo.

Source Fulltext: Krausen, Edgar, Die Urkunden des Klosters Raitenhaslach, 1034-1350, München, 1959, Nr. 6, S. 9-11