(C.) xxx [3x: untereinander] In nomine sancte et individue trinitatis. Henricus^a dei gratia Ratisponensis ecclesie, episcopus Geroni abbati de Raitenhaselach et xxx [3x: untereinander] | eius fratribus. Beatus, qui intelligit super egenum et pauperem¹. Cuius beatitudinis consorcium cupientes adipisci, prout expedire intelligimus, mandato apostolice sedis libenter acquiescimus, quo id cognoscimus rationabiliter institutum, ut a monachis proprio labore ac sumptu colentibus terram suam non exigantur decime. Proinde vobis vestrisque successoribus, fratres in deo dilecti, hoc presenti scripto firmamus, immo scriptis apostolicis firmatum recognoscimus, ut in episcopatu nostro de huiusmodi laboribus nullas persolvatis decimas aut etiamde animalium vestrorum nutrimentis. Adicimus etiam de capellis, quas iure fundi vel nunc possidetis vel adhuc iusta ordinatione per dei gratiam possessuri estis, ut nullum in eis fiat ministerium sacerdotale nisi vestri^b assensus rationabili approbatione, firma et inconvulsa vobis permanente predictarum capellarum facultate in dotibus aliis oblationibus ea videlicet cautela interposita, ut parrochiales ecclesie a colonis, quibus divina faciunt, iustam subiectionem obtinentes per easdem capellas non minuantur in subtractione alicuius iusticie sibi a colonis debite verbi gratia, in decimis^c, in sepulturis, in baptismo et ceteris huiusmodi. Ne quis autem hanc nostre institutionis paginam temere audeat violare, banc nostra subscriptione nostrique sigilli inpressione roboratam banno quoque firmamus episcopalis nostre auctoritatis, ut, si quis ausu temerario contra eam venire temptaverit, si non secundo ac tercio ammonitus fuerit emendatus, eodem banno teneatur astrictus, quoadusque factum suum corrigat et condigne satisfaciat. Ipsam vero servantibus et nunc et in futura vita salus et benedictio domini proveniat. Amen. Amen. Amen. Datum Salzburc in presentia domni Eberhardi Salzburgensis archiepiscopi VII k. iunii. (+)^d Huius rei testes sunt: Henricus^a abbas de sancto Petro, Hugo prepositus de Salzb(urc)^e, Co^vno de Chimissê^f, Gérhoc de Richerb(erc)^g, Gotescalcus de Bo^vwenb(urc)^h, Henricus^a prepositus de Hallaⁱ, Engelbertus marchio de Istria^k, Engelberdus^l comes Hallensis, Sigefridus^m comes de Luibenouweⁿ, Luitoldus(^o) comes de Blaigen^p, Henricus^a comes de Wolferatehusen(q), Luitoldus(^o) de Sidesdorf^r, Durinc de Werben^s, O^vdalricus(t) de Leren^u et alii quam plurimi.||
||
Anno ab incarnatione domini M. C. L. II, indictione XV, anno primo regni Friderici regis secundi^v.

Source Fulltext: Krausen, Edgar, Die Urkunden des Klosters Raitenhaslach, 1034-1350, München, 1959, Nr. 9, S. 14-15