xxx [3x: untereinander] Celestinus xxx [3x: untereinander] episcopus servus servorum dei dilectis flliis Riccerio^a abbati et conventui de Reidenhasla^b salutem l et apostolicam benedictionem. Sacrosancta Romana ecclesia devotos et humiles filios ex assuete pietatis officio propensius diligere consuevit et, ne pravorum hominum molestiis agitentur, eos tamquam pia mater sue proteetionis munimine confovere. Eapropter, dilecti in domino filii, devotionem, quam erga beatum Petrum et nos ipsos habere [di]gnoscimi[ni]^c, attendentes personas ac monasterium vestrum cum omnibus, que in presentiarum rationabiliter possidetis aut in futurum iustis modis deo propitio poteritis adipisci, sub beati Petri et nostra protectione suscipimus. Specialiter autem capellam de Cidelare cum omnibus pertinentiis suis, sicut dilectus filius Fredericus^d advocatus de Berge^e de assensu et voluntate venerabilis fratris nostri Alb(erti) Salseburgensis archiepiscopi noscitur concessisse et vos iuste et sine controversia possidetis, vobis et per vos vestro monasterio confirmamus et presentis scripti patrocinio communimus. Statuentes autem, ut, si vos in aliquo gravari presenseritis, liceat^f vobis sedem apostolicam appellare. Nulli ergo omnino hominum fas sit personas vestras vel monasterium vobis commissum temere perturbare seu hanc paginam nostre proteetionis et confirmationis infringere vel ei ausu temerario contraire. Si quis autem hoc attemptare presumpserit, indignationem omnipotentis dei et beatorum Petri et Pauli apostolorum eius se noverit incursurum. Dat.^g Laterani III idus martii, pontificatus nostri anno quarto.

Source Fulltext: Krausen, Edgar, Die Urkunden des Klosters Raitenhaslach, 1034-1350, München, 1959, Nr. 45, S. 42-43