(+) In nomine sancte et individue trinitatis. Ego Wolfkerus dei gratia sancte, Pataviensis ecclesie episcopus omnibus Christi fidelibus | in perpetuum. Apostolica instructi auctoritate, qua dicit "Operemur bonum ad omnes, maxime autem ad domesticos fidei"¹, notum esse volumus universis sancte ecclesie filiis, qualiter nos cum consilio fratrum nostrorum de choro, assensu etiam ministerialium ecclesie, peticionem domini C(onradi) venerabilis abbatis et fratrum in Raitenhaselahe^a pie exaudiendam decrevimus et liberum navibus predictorum fratrum victualia portantibus Patauie transitum concessimus, muttam videlicet, que, nobis et ecclesie inde debebatur, perpetuo eis tradentes, eo nimirum intuitu, quatinus orationibus ipsorum apud deum et sanctam dei genitricem Mariam perpetuo adiuvemur. Statuimus igitur et auctoritate beati Stephani protomartiris presentis scripti privilegio communimus, quatenus naves ille, proprie fratrum sive sint conducticie, liberum absque omni difficultate et exactione transitum habeant nullo ex officialibus nostris vel successorum nostrorum muttam vel aliquam pensionem inde exigente. Si qua igitur spiritalis secularisve persona hanc nostre constitutionis paginam infringere vel ei^b aliquo ausu temerario contraire temptaverit, omnipotentis dei et sancte dei genitricis Marie sanctique Stephani protomartiris indignationem in ultimo extremi iudicii examine se incurrisse sentiat. Ut autem hec nostre benignitatis traditio predictis fratribus nostris nostrorumque successorum temporibus stabilis et inconvulsa permaneat, presentem paginam inde conscribi et sigilli impressione insigniri cum testibus subternotatis precepimus. ||
||
Testes^c sunt: dominus Eberhardus decanus, magister Chvnradus scolasticus, dominus Hartnidus prepositus, dominus Arnoldus custos, dominus Timo, dominus Ortolfus prepositus, dominus Arnoldus^d cellerarius, dominus Kadelhous de Ualkenstein^e, Chunradus obeleiarius, dominus Chůnradus de Stamheim^f, magister Albero, dominus vlricus scriba, dominus Otachar, hii omnes de choro.||
||
De ministerialibus: Albertus Chint, Heinricuss de Waldekke, Rihker de Wesen, Luitoldus^h de Sauersteten, Walchůnus de Herdingen, Walchůnus de Schaltaren, Tiemo de Pv^ochelberch, Heinricuss Verliesær, Heinricus^g Olær, Albero de Germundesperge, Werenhardus provisor dominarum sanctimonialium de sancta Maria et alii quam plures.||
||
Actaⁱ sunt hec anno dominice incarnationis millesimo CC. III, pontificatus nostri anno XII; feliciter amen.

Source Fulltext: Krausen, Edgar, Die Urkunden des Klosters Raitenhaslach, 1034-1350, München, 1959, Nr. 58, S. 53-55