Charter: Kloster Raitenhaslach Urkunden (Zisterzienser 1034-1798) 1205 12 26
Signature: 1205 12 26
Add bookmark
Edit charter (old editor)
vor dem 26. Dezember 1205, o. O.
Bischof Poppo von Passau gewährt dem Kloster Raitenhaslach Mautfreiheit in Passau.Source Regest: Krausen, Edgar, Die Urkunden des Klosters Raitenhaslach, 1034-1350, München, 1959, Nr. 60, S. 55-56
KopB Anfang 13. Jh. p. 128 (C)
In nomine sancte et individue trinitatis. Ego Poppo dei gratia sancte Patauiensis ecclesie episcopus omnibus fidelibus in perpetuum. Apostolica instructi auctoritate, qua dicit "Operemur bonum ad omnes, maxime autem ad domesticos fidei''1, notum esse volumus universis sancte ecclesie filiis, qualiter nos cum consilio fratrum nostrorum de choro, assensu etiam ministerialium ecclesie peticionem domini B(ertholdi) venerabilis abbatis et fratrum in Reitenhasela pie exaudiendam decrevimus et liberum navibus predictorum fratrum victualia portantibus Patauie transitum concessimus, muttam videlicet, que nobis et ecclesie inde debebatur, perpetuo eis tradentes, eo nimirum intuitu, quatinus orationibus ipsorum apud deum et sanctam dei genitricem Mariam perpetuo adiuvemur. Statuimus igitur et auctoritate beati Stephani prothomartyris presentis scripti privilegio communimus, quatenus [naves]aille, proprie fratrum sive sint conducticie, liberum absque omni difficultate et exactione transitum habeant nullo ex officialibus nostris vel successorum nostrorum muttam vel aliquam pensionem inde exigente. Si qua igitur spiritalis secularisve persona hanc nostre constitutionis paginam infringere vel ei aliquo ausu temerario contraire temptaverit, omnipotentis dei et sancte dei genitricis Marie sanctique Stephani prothomartyris indignationem in ultimo extremi iudicii examine se incurrisse sentiat. Ut autem hec nostre benignitatis traditio predictis fratribus nostris nostrorumque successorum temporibus stabilis et inconvulsa permaneat, presentem paginam inde conscribi et sigilli impressione insigniri cum testibus subternotatis precepimus: Dietmarus prepositus de Suben, Eberhardus decanus, Chůnradus scolasticusb, Ortolfus prepositus, magister Albero, Ovlricus scriba, Gotfridus, Timo, Ovtacher; de ministerialibus: Albertus Chint, Hainricus de Waldekke, Richker de Wesen, Lůitoldus de Sauersteten, Walchůin de Herdingen, Hæinricus Ovlare, Albero de Germundesperge.
Source Fulltext: Krausen, Edgar, Die Urkunden des Klosters Raitenhaslach, 1034-1350, München, 1959, Nr. 60, S. 55-56
Editions:
- Ungedruckt; zitiert Dumrath TB 22*.
Secondary Literature:
- k. A.
Comment
Im Urkundenverzeichnis des Klosters vom Jahre 1596 fehlt die Urkunde bereits (Rep. 1). Dem Eintrag in C fügte der Klosterarchivar P. Eugen Reitter (2. Hälfte 18. Jh.) den Randvermerk hinzu: "circa annnm 1205. Originale deest." Die Einreihung der undatierten Urkunde ergibt sich aus dem Todestag des Bischofs (26. Dezember 1205); vgl. Gams, Series episcoporum (1873), 301. Als VU (Petitdruck) diente UB 58.Language:
Notes:
(a) fehlt C
(b) magister Chůnradus, so VU.(1) Gal. 6, 10.
Places
- o. O.
A click on the button »Show annotation« displays all annotations on the selected charter image. Afterwards you are able to click on single annotations to display their metadata. A click on »Open Image Editor« opens the paleographical editor of the Image Tool.
