xxx [3x: untereinander] Fridericus xxx [3x: untereinander] secundus divina favente dementia Romanorum rex et semper augustus et rex Sicilie. Regalis excellentie immensa benignitas, cum de benivolentia | solita omnibus beneficiorum suorum gratiam impendere studeat, illis tamen, qui specialius se divinis obsequiis propter retributionem perpetuam manciparunt, tam in defensionis manu quam in beneficiorum impensione providere affectuosius consuevit, ut, dum temporalibus bonis adiuti fuerint, celestia fiducialius appetant et pro salute nostra et tranquillitate imperii orare devotius teneantur. Verum quia ordinem Cisterciensem pre aliis ordinibus propter devotionem religiosorum in eo degentium, qua iunguntur artius creatori, defendere et ampliare intendimus, fratres et domum de Reitenaslach^a eiusdem ordinis sub nostra protectione suscipimus confirmantes eis, quicquid liberalitate regum, donatione principum sive comitum vel liberorum aut ministerialium seu cuiuscumque conditionis hominum ipsis actenus^b collata fuerunt^c vel in reliquum^d conferentur. Inter alia vero specialiter confirmamus eisdem salinam de Mulbach^e, quam eisdem dilectus noster Salsburgensis archiepiscopus Eber(hardus) peticione chori sui et consensu ministerialium suorum legitime contulit et dato privilegio stabilivit in succidendis videlicet lignis deducendisque * per adiacentes saline fluvios absque tributi persolutione et iura omnia salinariorum, fodinam scilicet renovandi, salem vendendi et, quocumque ipsis placuerit, ad ipsorum utilitates deducendi et omnes libertates ab eodem archiepiscopo ipsis concessas eis iure perpetuo confirmamus. Volumus insuper, ut augeam Vietenowe^f, quam dux Bauarie Lvdowicus eisdem contulit, quiete possideant, quam eis cum eodem dante damus, sed et omnia, que tam ab ipso quam a cuiuslibet conditionis persona possident, in donatione prediorum suorum, vinearum, pascuarum, salinarum, piscariarum, decursuum aquarum,||
molendinorum, lignorum ex adiacentibus nemoribus sive silvis ad nutrimentum ignis eisdem fratribus imperpetuum presenti^g privilegio stabilimus. Nulli ergo hominum contra hanc nostre confirmationis paginam liceat ausu temerario^h contraire, cui||
nostri sigilli impressio perhenne tribuit firmamentum. Quod si quis contra eam aliquid presumpserit attemptare, centum libris auri mulcabiturⁱ, medietas dampna passis, medietas vero fisco nostre camere deputanda. Testes huius rei sunt: C(onradus)||
Constansiensis^k episcopus, V(lricus) abbas sancti Galli, H(einricus) abbas Augensis, E(berhardus) abbas de domo Petri, V(lricus) comes de Kiburg^l, B(urchardus) comes de Hohenberg^m, Frider(icus) comes de Zoller, Manegoldus comes de Nellenburgⁿ, Bertoldus comes de sancto Monte, S(weicerus) de Gondolfingen, Albertus de Butilsœizen(^o) et Bertoldus frater eius, Anshelmus de Iustingen imperialis aule marescalcus, Ebirardus^p dapifer de Tanne et Bertoldus frater eius, Rodulfus de Ramesperg(q) et alii quam plures.||
||
Signum^r domini Friderici secundi Romanorum regis invictissimi et regis Sicilie. (M.)||
||
Ego Conradus Metensis et Spirensis episcopus, imperialis aule cancellarius vice domini Sifridi Maguntini archiepiscopi et totius Germanie archicancellarii recognovi.||
||
Acta sunt hec anno ab incarnatione domini millesimo CC. XVI, indictione IIII^a, regnante domino Friderico secundo Romanorum rege et Sicilie glorioso, anno regni eius IIII^a; dat. Constan(tie) idus iulii.

Source Fulltext: Krausen, Edgar, Die Urkunden des Klosters Raitenhaslach, 1034-1350, München, 1959, Nr. 77, S. 79-81