xxx [3x: untereinander] Honorius xxx [3x: untereinander] episcopus servus servorum dei dilectis filiis . . abbati Cisterciensi et universis coabbatibus eius et fratribus sub eodem | ordine deo servientibus salutem et apostolicam benedictionem. Contingit^a interdum, quod nonnulli propriis incumbentes affectibus, dum sanctionum sensum legitimum ad vota sua non habent, accomodum superinducunt adulterum intellectum in temporali compendio eternum dispendium non timentes. Sane quia^b, sicut audivimus, quidam suo nimis inherentes ingenio nimiumque voluntarii concilii generalis interpretes de novalibus post idem concilium acquisitis a vobis intendunt decimas extorquere, ne super hiis vos contingat indebita molestatione vexari^c, nos interpretationem illorum intellectui constitutionis predicti concilii super Cisterciensium decimis edite asserimus peregrinam. In qua^d quidem expresse caveture, ut de alienis terris et amodo acquirendis, si eas propriis manibus aut sumptibus colueritis, decimas persolvatis ecclesiis, quibus ratione prediorum antea solvebantur. Unde si ad prope positum aciem discretionis extenderent advertentes nichilominus, de quibus novalibus apostolica sedes intelligat indulgentiam super talibus piis locis concessam, non sie circa novalia nove interpretationis ludibrio ingenia fatigarent. Inhibemus igitur auctoritate presentium, ut nullus a vobis de novalibus a tempore concilii excultis vel^f in posterum propriis manibus aut sumptibus excolendis decimas exigere^g vel extorquere presumat. Nulli ergo omnino hominum liceat hanc paginam nostre inhibitionis infringere vels ei ausu temerario^h contraire. Siⁱ quis autem hoc attemptare presumpserit, indignationem omnipotentis dei et beatorum Petri et Pauli apostolorum eius se noverit incursurum. Dat. Lateran.^k IIII kal. ianuarii, pontificatus nostri anno tertio.

Source Fulltext: Krausen, Edgar, Die Urkunden des Klosters Raitenhaslach, 1034-1350, München, 1959, Nr. 81, S. 84-85