xxx [3x: untereinander] Honorius xxx [3x: untereinander] episcopus servus servorum dei dilectis filiis, universis abbatibus et conventibus Cisterciensis ordinis, salutem | et apostolicam benedictionem. Cum preter pauperem victum vestrum omnia bona vestra hospitalitati et aliis piis operibus officiosissime sint exposita, satis inhumane aliis auferri videtur egenis, quicquid a vobis violentia vel ingenio extorquetur. Nec quia dominus manuum vestrarum operibus benedicens viaticum peregrinationis vestre, quantomagis illud fraterna caritate in usus pauperum distribuitis, tantomagis celesti alluvione multiplicat, estis deterioris conditionis habendi, sed potius melioris, cum nonnisi vasis paratis celestis gratie oleum infundatur¹, quod pauperis mulieris deficientibus vasis stetit. Licet igitur largiente domino monasteria vestra plus solito temporalium floreant ubertate, quia tarnen exinde pauperibus uberius subvenitur, nos volentes eo vos de speciali gratia favorabilius confovere, quo exinde illi complacere nos credimus, qui, quod uni ex minimis suis fit, sibi reputat esse factum², devotionis vestre precibus inclinati auetoritate vobis presentium indulgemus, ne apostolice sedis legati procurationes pecuniarias a monasteriis vestris exigere vel extorquere presumant, sed cum ad domos vestras accesserint, sine carnium esueibis regularibus sint contenti. Nulli ergo omnino hominum liceat hanc paginam nostre concessionis infringere vel ei ausu temerario contraire. Si quis autem hoc attemptare presumpserit, indignationem omnipotentis dei et beatorum Petri et Pauli apostolorum eius se noverit incursurum. Datum Viterbii IIII nonas decembris, pontificatus nostri anno quarto.

Source Fulltext: Krausen, Edgar, Die Urkunden des Klosters Raitenhaslach, 1034-1350, München, 1959, Nr. 83, S. 87