In nomine sancte et individue trinitatis. Rapoto dei gratia comes palatinus Bawarie omnibus l Christi fidelibus in perpetuum. Quoniam divina favente dementia peccata, que digna castigatione ab hominibus emendari atque cohiberi per corporalem penitentiam minime queunt, per largitionem elemosinarum similiter et consensum virorum potentum, qui factis talibus consentire videntur, dum de ratione prohibere possent, sed se auctores ac fautores voluntarios in huiusmodi casibus offerunt parem quemadmodum largitores ipsi de consensu mercedem recipientes, emendationem congruam recipere valebunt, unde dignum duximus universis, quorum conspectui hec fuerit presentata paginula, significandum, quod promptum ac benivolum ad hoc prebemus favorem, ut omnes ministeriales, milites sive qualescumque nobis attinentes de omni facultate sua partem convenientem, ita scilicet quod non omnis iusticia nostra nobis videatur deperire, predia in eleemosinam suam ecclesie beate Marie in Reitenhasela de mobilibus seu de immobilibus liberam habeant potestatem conferendi.

Source Fulltext: Krausen, Edgar, Die Urkunden des Klosters Raitenhaslach, 1034-1350, München, 1959, Nr. 110, S. 101-102