In nomine sancte et individue trinitatis. Ego Gebhardus dei gratia Pataviensis episcopus omnibus Christi fidelibus in perpetuum. Nos, | qui deo auctore cura pastorali sancte Pataviensi ecclesie deservimus, congruum est, ut benefacta venerabilium antecessorum nostrorum Pataviensium pontificum,* videlicet Wolfkeri,* Popponis,* Manegoldi et Vdalrici, piis eorum exemplis incitati, quantum possumus, pro modulo nostro imitemur^a et iusticiam fratrum de Reitenhasela^b in remissione pedagii, quod vulgo mutta dicitur, quam nobis in representatione privilegiorum ipsorum in presencia chori nostri necnon et Pataviensium ministerialium satis evidenter probaverunt, pie recognovimus et liberum navibus eorum Patavie transitum in ascensu sive descensu una cum eis perpetuo indulsimus. Precipimus eciam sub districtione omnipotentis dei et extremi examinis, auctoritate quoque beati Stephani protomartyris patroni nostri, ne aliquis officialium nostrorum vicissim sibi in hoc officio succedencium aut aliqua spiritalis secularisve persona predictos fratres inquietare presumat et contra nostre confirmationis instituta aliquam in eos exactionem faciat. Nam ut hec rata permaneat et inconvulsa in futura tempora, sigilli nostri impressione communimus et testium subscriptione firmius roboramus. Sunt autem hii testes: Otto decanus, Chalhohus, Churadus tůmplebanus, magister Heinricus, Chrafto, Vlricus couertelus, canonici; Hademarus, Leutoldus, Otto de Morspach^c, Pilgrimus de Tanneberc^d, ministeriales; Chunradus iudex, Albertus, Chunradus Goltstain, Vlricus Hutstoch et alii quam plures. Dat. Patavie octava kal. iunii, pontificatus nostri anno primo.

Source Fulltext: Krausen, Edgar, Die Urkunden des Klosters Raitenhaslach, 1034-1350, München, 1959, Nr. 95, S. 92-93