xxx [3x: untereinander] Eberhardus dei gratia xxx [3x: untereinander] Salzburgensis^a archiepiscopus, apostolice sedis legatus, universis presentem paginam inspecturis salutem | in Christo Iesu. Quos devotionis ac pie religionis commendant merita, hos promovere tenemur atque diligere et ipsorum honestis ac debitis petitionibus inclinari. Notum ergo sit omnibus Christi fidelibus presentem paginam inspecturis, quod nos attendentes honestam conversationem et piam devotionem abbatis et sui conventus de Raitinhasilach^b eidem ecclesie ad subsidium fratrum ibidem commorantium conferimus ac confirmamus ad sales decoquendos ripam in Taukil, que vulgo appellatur hintir^c der finstirn strub, cum silva et rivulis ad ipsam pertinentibus, ut predicti fratres possint uberius sustentari. Si quis ergo temerarius huic nostre donationi ac confirmationi rebellis in posterum extiterit ac predictos fratres in eadem ripa cum suis attinentiis molestaverit aut aliquod gravamen intulerit, omnipotentis dei ac beatorum apostolorum Petri et Pauli et beati Ruberti^d sciat se indignationem incurrisse et nostram excommunicationis sententiam incidisse. Ut autem ista donatio atque confirmatio firma et inviolabilis perpetualiter perseveret, presentem kartam eis fecimus sigilli nostri munimine roborari. Dat. aput Salzburg per manum magistri Bertoldi logici anno incarnationis domini MoCC^oXXXV^o, indictione IX, XV kal. novenbris.

Source Fulltext: Krausen, Edgar, Die Urkunden des Klosters Raitenhaslach, 1034-1350, München, 1959, Nr. 117, S. 105-106