In nomine domini nostri Iesu Christi pateat universis, quod nos Chvnradus dei gratia comes de Wazzerburch^a una cum | Chvnigvnde nostra consorte domum cum area in oppido nostro Wazzerburch^a sitam, quam bone memorie Sifridus opifex, magister balistarum^b, venerabili abbati et conventui monasterii in Raytenhasila^c ordinis Cysterciensis Salzbvrgensis dyocesis ultima voluntate testamento legavit, iuxta piam eiusdem defuncti voluntatem ac Gerdrvdis eius relicte tenore presentium id, quod factum est, gratum habentes pariter atque firmum donamus monasterio iamdicto liberaliter et benigne, ut eam possideat cum suis usibus in perpetuum pacifice et quiete. Addentes eidem domui et monasterio prelibato in eodem oppido ius urbanum et civile, quod vulgariter pvrchreht^d appellatur, et emunitatem canonicam et quietam in perpetuum, iuxta quod privilegia eidem ordini a sede apostolica concessa plene declarant. In huius rei testimonium presens Privilegium nostro et nostre consortis sigillorum munimine fecimus roborari. Acta sunt hec Wazzerburch^a VIII decimo^e kal. octobris coram hiis testibus: venerabili abbate V^olrico Sewensi^f, magistro Alberto decano Pataviensis, domino Rv^odigero de Celle, domino Heinrico de Zayzheringen^h, domino Alberto de Lantfritsheim, domino Friderico de Harthovinⁱ, domino Wichnando de Sekpach, Heinrico Ottingar(io)^k, Heinrico Otoldar(io), Reinmaro iudice, vlrico filio Meinhalmi, Chvnrado de Havinheim^l, Perhtoldo prewirario, Alberone Dvrchvsær et aliis quam pluribus.

Source Fulltext: Krausen, Edgar, Die Urkunden des Klosters Raitenhaslach, 1034-1350, München, 1959, Nr. 174, S. 149-150