Ut que geruntur nostro tempore, firmiora permaneant et quacumque noticia propagantur in posteros, literarum solent noticia perhennari. | Sciant ergo presentes ac posteri, quod Rv^edegerus miles de Husmenningen ius obligationis sex solidorum, quod in predio apud Ripam^a se habere asseruit, ob honorem beate virginis ecclesie et conventui sancte Marie in Reitenhaslach^b me Heinrico de Harschirch^c presente resignavit. Similter Cv^onradus de Ysn^d iuri advocatie, quod in eodem predio habere se asseruit, predicte ecclesie et conventui pro peccatis suis renunciavit ac per manum meam domino Salzburgensi episcopo resignavit. Affuerunt autem testes: Heinricus celerarius dictus de Gv^entheringen, Heinricus plebanus de Halsbach^e, Dithmarus miles dictus Vrivntuli^ese, supranotatus R(v^edegerus) miles et Tvringus filius eius de Husmenningen, Albertus marscalcus de Dornberc^f, Cv^onradus de Eichelberc^g, Willeheimus de Cv^onratingen^h, Cvnradus villicus de Stegenheim et alii quam plures. Acta sunt hec apud ecclesiam sancti Rvperti in Gunbatenkirchⁱ anno domini M^o. CC^o. LV^o, idus iulii.

Source Fulltext: Krausen, Edgar, Die Urkunden des Klosters Raitenhaslach, 1034-1350, München, 1959, Nr. 216, S. 180-181