Universis Christi fidelibus audituris tenorem presencium vel visuris frater C(hvnradus) dictus abbas in Zwetil^a salutem | in omnium salvatore. Ad tollendam contencionis materiam de cordibus posterorum utile est rerum acciones scriptis et attestationibus confirmari. Quia vero religiosorum simplicitas et modestia plerosque reddunt ad eorum iniuriam proniores, necesse est hiis, que ad ipsos pertinent, studiosius precaveri. Innotescat igitur universis, quod Chvradus de Puphhartsperge cum uxore sua Alheide filiisque suis Petro, Heinrico et Wildungo, filiabus quoque Elisabeth et Benedicta, predium in Gvicke^b conventui de Reitenhasla^c a socero suo collatum, sed ab ipso non sine iniuria usurpatum, rei veritate comperta prefato conventui resignavit libere coram nobis adeo, ut nulli successorum suorum sepedictum conventum de premissa possessione impetendi habeant facultatem. Ne ergo cuiuspiam malignitas hanc^d presumat conposicionem aliqualiter deturbare, presentem litteram ipsis tradidimus sigilli nostri munimine et adnotacione testium roboratam. Testes sunt: frater Rvdlibus maior cellerarius in Zwetil^a, Chvnradus de Thvringia et Waltherus de Wienna monachi ibidem, Heinricus infirmarius, Heinricus de Ristenberhc^e, Otto de Otingen, Chvnradus de Gizendorff conversi, Fridericus de Crispelsteten et Vorhlibus seculares.

Source Fulltext: Krausen, Edgar, Die Urkunden des Klosters Raitenhaslach, 1034-1350, München, 1959, Nr. 280, S. 225-226