Frater Thomas miseratione divina Squillacensis episcopus, pro reformatione Salzeburgensis ecclesie ad partes | Alamanie a sede apostolica [nuntius]^a destinatus, universis Christi fidelibus presentes litteras inspecturis salutemin domino. Inter alia caritatis opera, que suis executoribus salutem conferunt animarum, magnum est pro accendendis luminaribus in domo domini gratas deo elemosinas erogare. Cum igitur dilectus noster in Christo .. custos monasterii in Ratinaslach Cisterciensis ordinis, lator presentium, in eisdem luminaribus ad decorem domus dei defectum frequentius patiatur, universitatem vestram rogamus, monemus et hortamur aptempte^b in remissionem vobis peccaminum iniumpgentes^b, quatenus eidem custodi pro tam pio opere de bonis vobis a deo collatis pias elemosinas et grata caritatis subsidia erogetis, ut per hec et alia bona, que de inspirante feceritis, possitis ad eterne beatitudinis gaudia pervenire. Nos enim de omnipotentis dei misericordia, beate Marie virginis et apostolorum^c Petri et Pauli confisi meritis omnibus vere penitentibus et confessis, qui dicto custodi pro predictis luminaribus manum porrexerint adiutricem, quadraginta dies de iniumcta^b sibi penitentia misericorditer in domino relaxamus. Dat. Burcose idus aprilis anno domini M^o. CC^o. LXllo.

Source Fulltext: Krausen, Edgar, Die Urkunden des Klosters Raitenhaslach, 1034-1350, München, 1959, Nr. 256, S. 208-209