Nos Otto dei gracia ecclesie Patauiensis episcopus notum facimus universis presentes litteras inspecturis, quod dilecti in Christo . . abbas et conven | tus sancte Marie in Raitenhaselah ordinis Cysterciensis nobis et capitulo nostro presentaverunt litteras predecessorum nostrorum Wolfkeri, Bopponis, Manigoldi, Vlrici et Rugeri, in quibus continebatur ipsis indultum, ut naves ipsorum in ascensu et descensu Patauie^a libere pertransirent. Quare nos eorundem venerabilium patrum exempla sequentes et omnem defectum, si quis in huiusmodi forsitan exstitit, ad consilium et instanciam capituli nostri supplentes predicto conventui concedimus de gracia speciali, ut duo talenta salis maioris ligaminis^b de propriis salibus aput Obernperge et Patauiam^a sine muta et exactione qualibet transducat vel transduci faciat annuatim, sub interminatione divini iudicii inhibentes, ne quis eundem conventum presumat contra indultum hoc offendere nee de victualibus ipsius in predictis locis nostris, que similiter imperpetuum libere transire concedimus, aliquid extorquere, maxime cum inter cetera suarum orationum suffragia, quibus nos et capitulum nostrum partieipes statuerunt, hoc duxerint specialiter adiungendum, quod in nostro, successorum nostrorum et omnium fratrum capituli nostri obitus vel depositionis die missam et vigilias tamquam suis fratribus celebrabunt et nichilominus singulis annis uno die, qui magis ipsis oportunus videbitur, pro remissione omnium pontificum et canonicorum Patauiensis ecclesie commemorationem facient sollempniter defunctorum. Ut autem premissa omnia pro nostra, successorum nostrorum et tocius capituli nostri salute et sepedicti conventus necessitate provide ac salubriter ordinata rata permaneant nee per maliciam aut calumpniam possint ab aliquo infirmari, presentes litteras nostro et capituli nostri sigillis communiri fecimus in testimonium et cautelam. Sunt autem hii testes: Meingotus prepositus, Boppo decanus, Wernhardus de Morspach, Heinricus de Ramunge, Heinricus de Haidendorf, Albero comes de Rotenekk^c, Siboto de Tannberch, magister Hertwicus scolasticus, Otto cantor, Wernhardus de Prampach^d canonici, Siboto de Lonstorf, Berhtoldus de Heidendorf, Heinricus de Radekke^e, Vlricus iudex, Christanus, Wernhardus de Ynne^f et alii quam plures. Dat. Patauie^a anno domini M^o. CC^o LXIIII, octavo idus mar., pontificatus nostri anno undecimo.

Source Fulltext: Krausen, Edgar, Die Urkunden des Klosters Raitenhaslach, 1034-1350, München, 1959, Nr. 269, S. 214-215