Si propter carnis commoditates transitorias terrena negocia litteris et cautela testium roborantur, multo fortius eadem | in remedia animarum, que eterne sunt, transacta durabilibus debent cautionibus confirmari. Igitur ego Hainricus civis in Purchusen agnominatus Latinus presenti pagina universis duxi et singulis declarandum, quod de bona voluntate pariter et consensu karissime uxoris mee Chvnegundis ob remedium animarum nostrarum duas stupas balneatorias sitas in oppido Titmænninge et unam domum ibidem ac etiam quoddam predium in Chrægelingen ecclesie sancte Marie in Raitenhaselah donavi iure perpetuo possidenda hac adposita nichilominus pactione, quod quamdiu vixerimus, ego et ipsa uxor mea eorundem reddituum census nobis ab ipsa ecclesia annuatim integraliter persolvatur. Similiter fiet alteri nostrum superstiti, dum unus fuerit de medio evocatus. Post obitum vero utriusque||
nostrum memorata ecclesia tarn possessiones prefatas quam redditus earumdem libere et absolute decetero possidebit. Predicta itaque ecclesia singulis annis statuto tempore duos filtratos calceos dabit avunculo meo Alberoni, eo quod predictis omnibus suam voluntatem addidit et consensum. Huius rei testes sunt: frater Wernhardus tunc temporis prefate ecclesie prior, frater Chunradus tunc conversorum magister; Walchunus notarius, Vlricus Vitulus, Ditmarus notarius, Hainricus Vitulus, Hainricus de Wanchousen, Albero avunculus meus, Hainricus Pu^ehsingarius, Gerbardus de Mv^eldorf, Hainricus mutarius, Hællingærius, Helembertus, Johannes de Eringen et alii quam plures. Acta sunt hec in domo mea Purchuse anno ab incarnatione domini M^o. CC. LXX^o in vigilia beati Andree apostoli. In testimonium cuius presentem paginam mei sigilli karactere communivi.

Source Fulltext: Krausen, Edgar, Die Urkunden des Klosters Raitenhaslach, 1034-1350, München, 1959, Nr. 303, S. 244-245