Ego Seifreidus et Hermannus fratres de Weizse^a notum esse | cupimus omnibus hanc litteram inspecturis, quod resingnavimus^b proprietates sitas in Seleiten domino Conrado venerabili abbati de Reitenhasla^c et sue ecclesie sub hac forma, ut memoria nostri in iamdicto claustro in perpetuum habeatur, cessantes purissime ab omni vexatione et inpetitione, quam nos et nostri heredes supra predictas proprietates longo tempore habuimus. Si vero aliquis heredum nostrorum seu parentum nostrorum predictam resingnationemb decreverit violare, ego Sifreidus et Hermannus, quidquid dampni super eo creverit, domino abbati et sue ecclesie omnimodis refundemus. Testes huius rei sunt: frater Rudolfus magister curie in Cremsa et frater Albertus socius suus, Heidenricus^d iudex provincialis et Otto notarius socius suus, Heinricus villicus de Heuse, Vlricus Strebel, Leupoldus de Crotental^f, Conradus Linzer de Ibsa, Lupertus^g de Serlingen^h, Wolfhardus Beuschel, Vlricus de Horpachⁱ, dominus Albero de Schurnperc, dominus Hermannus de Schenleiten^k et Heinricus filius suus, dominus Conradus de Schurnperc, dominus Gotfridus de Oberndorf, dominus Rudolfus de Planchenstein^l et sui fratres, dominus Walchunus Dens et alii quam plures. Et ne ista resingnatio^b in posterum valeat prepediri, sigillum domini Perngeri de Meldingen iudicis provincialis est appensum cum testibus prenotatis. Acta sunt hec ad sanctum Leonhardum anno domini M^o. CC^o. LXXIlI^o.

Source Fulltext: Krausen, Edgar, Die Urkunden des Klosters Raitenhaslach, 1034-1350, München, 1959, Nr. 323, S. 259-260