Ottacharus dei gracia rex Boemie^a, dux Austrie, Styrie et Karinthie, marchio | Morauie, dominus Carniole^b, Marchie, Egre ac Portusnaonis^c. Quoniam ea, que ab antecessoribus nostris ad promocionem ecclesiarum et personarum deo militancium sunt concessa, et debemus et volumus non minuere sed augere, notum facimus universis presencium noticiam habituris, quod * ob reverenciam dei et omnium sanctorum et in redempcionem peccaminum nostrorum et antecessorum necnon et successorum nostrorum ecclesie Cisterciensis ordinis in Raitenhasla^d concessam et ex antiquo approbatam libertatem et graciam innovamus, videlicet ut fratres illius ecclesie in deducendis salibus duorum talentorum ampli[oris li]^egaminis et victualium suorum apud castrum Newenburch^f, quod situm est super Enum^g, in exactione theolonei^h sive mute non debeant aliquatenus inpediri. Super hac igitur * libertate presentem litteram sigillorum nostrorum karactere fratribus memoratis cum idoneorum annotacione testium duximus porrigendam. Testes hii sunt: videlicet dominus Petrus venerabilis episcopus Patauiensisⁱ, Zmilo de Brvmow^k, . . abbas de sancta Corona^l, Schetso, Gregorius inclite regine Boem(ie) camerarius et alii quam plurimi fidedigni. Dat. in Chremsa anno domini M^o. CC^o. LXXIII^o, pridie idus octobris, indiccionis secunde.

Source Fulltext: Krausen, Edgar, Die Urkunden des Klosters Raitenhaslach, 1034-1350, München, 1959, Nr. 322, S. 258-259