Nos Hainricus et Wernhardus necnon Hainricus iunior de Schoumberch^a salutem omnibus fidelibus imperpetuum. Plenam^b fiduciam in domino | obtinentes, si deo devotis ex propria benignitate gratiam facimus, unde possint commodius sustentari, quod proinde divina dementia clementius nostrum statum stabiliat et in futuro felicitatis nobis bravium condonetur, hinc est, quod * odoris bone fame allecti dulcedine, que de ecclesia in Raitenhaslach^c Cisterciensis ordinis tamquam odor Christi bonus per sacram monastice vite observantiam dulcorose diffunditur, dicte ecclesie ad peticionem viri religiosi Chunradi^d tunc abbatis ibidem de gratia ||
concessimus speciali, ut singulis annis semel unam navim quantumcumque magnam oneratam salibus, quocumque tempore placuerit vel utile Visum fuerit, libere et sine omni exactione mute sive thelonei per mutam nostram in Aschach^e ducere debeat perpetuo in futurum. * Ut igitur presenti nostre gratie nullus per detentionem, extorsionem in predicto loco mute vel pretextu alicuius iuris, peticionis vel consuetudinis audeat novercari, in signum plene et libere libertatis presens tradimus instrumentum sigillorum nostrorum munimine roboratum. Dat. apud Schoumberch anno domini M^o. CC^o. LXX^o. V^o, in vigilia Martini. Huius autem rei testes sunt: dominus Hærtnidus dapifer, dominus Ch(unradus)^f de Furt, dominus Ch(unradus)^g, dominus Ludwicus Schiuer^h, Albertus et Hærtwicusⁱ tunc mutarii, H(ainricus)^k iudex, H(ainricus)^l Kærpf et alii quam plures.

Source Fulltext: Krausen, Edgar, Die Urkunden des Klosters Raitenhaslach, 1034-1350, München, 1959, Nr. 345, S. 276-277