Wir Ott von gotes^a gnaden phalntzgraf von Rein vnd hertzog ze Baiern^b tv^on chvnt allen den, di disen brief ansehent vnd ho^erent I lesen, daz Rapot der Lvkche^c den hof datz Rot^d vnd da selben ein mv^ol vnd ein ander lehen mit akcher, mit holtz, mit wismat, mit wazzer, mit vischwaid vnd mit allem dem, daz da zv geho^eret, gesv^oht vnd [vn]versv^oht(d'), hat gegeben mit salmans hant freilich vnd gantzlich vnser frowen sand Marie vnd dem goteshvse datz Raitenhaslach vor vns vnd vnser edeler lewt kagen. Vnd daz disev rede stæt beleihe mit allen ir Sachen, nah peder tail pet abbt Chvnrates vnd sines goteshvsetz von Raitenhaslach vnd Rapot des Lvkchens vnd sines salmans geben disen brief versigelt mit vnserm grozzen insigel wir hertzog Ott. Dirre sache sint gezivch: Vlreich von Abensperch, Albreht von Hals, Pernger von Lewnberch, Ortlib von Walde, Hainrich von Tavfchirchen^e vnd Walther sein svn, Perchtolt von Gebelspach, Lvdweich der Grans, Friderich der Schrampamer^f, Seifrid vnd Chvnrat vnser Schreiber vnd ander vil erberig zivch. Diser brief ist gegeben datz Pvrchavsen^g, do von vnsers herren gebvrt ist gewesen tavsent jar zwai hvndert jar newntzich jar vnd ain jar, des freitages^h vor sand Gallen tag.

Source Fulltext: Krausen, Edgar, Die Urkunden des Klosters Raitenhaslach, 1034-1350, München, 1959, Nr. 445, S. 366-367