Ich Hainreich von Ror vergich offenbar vnd tv^en chvnt allen den, di disen prief | sehent oder horent lesen, daz ich mit mi^ener havsfrawen willen dev aigenshaft ze Tal, vnder Zeilarn^a vnd ze Vrvar^b, di mein rehtez aigen gewesen sint, vnser frawen vnd [dem convent]^c datz Raitenhaslach avf vnser fravn alter ze rehtem selgeræ[t d]vrich got vnd dvrich dev andacht, dev ich vnd alle mein vorvodern [zv dem] gotzhavs haben gehabt, ledigleichen mit allem minem reht sv^eht vnd [vnver]shv^et gegeben han, vnd wil der selben aigensheft jar vnd tag gewa[er] sein als rehtes selgerætes. Vnd daz daz vnser frawen vnd dem gotzhavs ze Raitenhaslach stet vnd vnzebrochen beleih, gib ich in disen prif ze ainem waren vrchvnd mit mi^enem^d insigel. Diser prief ist gegeben vnd geshriben ze Raitenhaslach, do von Crists gebvrt wæren tavsent jar vnd drevhvndert jar an sant Katrein tag.

Source Fulltext: Krausen, Edgar, Die Urkunden des Klosters Raitenhaslach, 1034-1350, München, 1959, Nr. 489, S. 406